Showing posts with label Article. Show all posts
Showing posts with label Article. Show all posts

The Battle Within

   Battles have been a part of man’s life, even from the very dawn of civilization. Man fought hard to survive, for his rights, for what he believed. Many battles have been fought but only the strongest have stood out; many innocent lives slained, many more robbed of their dignities. Even today, it still goes on but not in the barbaric ways of our forefathers.
    Ever since I was a child, I had my own battles to fight. I fought with every strength that I had to just stay alive. My comrades were the doctors and the nurses who did everything they could to keep me going on and the enemies were the sicknesses that ate away my young life. There were times when I felt my life were hanging on a single thread; my survival, sometimes, depended on some chemical fluids that were injected into my body. I was in bed with no strength at all and I could hardly talk, waiting and waiting.... for a miracle.
    The battles I have fought with these sicknesses were so painful and tiring, yet the hardest and the biggest one is a battle that has been in me from the very first moment I laid my eyes on this world, a battle that I will have to fight through my entire life till I reach the land of absolution. A battle, not of might like those that are fought with swords, guns, bullets, bombs, etc. but which have to be fought and won by patience, loyalty, righteousness, humility, truthfulness, love, gentleness, kindness, dignity, etc.
    My body, my life is the battlefield. Good and evil fight over my soul. I know I belong to the former, which provides me with the armours of virtue. The demon knows all my weaknesses and tries to hurt me and make me lose my footing, trying to win me over, trying to make me surrender. Temptations linger all around me, waiting for chances to absorb my soul, watching my every move, waiting to jump in the moment I make a mistake, the moment I let my defence down, stalking me like a lion, its prey.
    He took away my everything, pushed me into the pit of hopelessness and desperation; stole my joy, my dignity, squeezed me tight, robbed me of my young life, tried to destroy my foothold - my faith and trust in God.
    Little by little, one by one, I lost control of my worldly life, my love, my life, even my dreams. Fears and doubts began to envelope my brain. Anger, pain, loneliness, hatred and jealousy filled my heart, yet I had to shut them up inside, they ate away at my confidence, and I could feel the corrosions inside but there was very little I could do but wait and wait and bear this pang in my heart patiently and bravely - never losing faith. I began to feel the world despising me, friends abandoning me - but when I thought about it, why shouldn’t they? when I could not even begin to love myself; but I somehow knew that they were all just a part of the game. There were often times when I lost me strength and broke down and cried, “Why me?” but the answer was always “Why not me!” Loads of questions arose in my mind but the answers lay beyond this life.
    Everywhere I went, everything I saw and heard, it was always the same story. I could neither run away nor hide, for the battle was within me; sometimes, my only escape was the memories of the good days which were treasured inside my heart and the fantasies or the illusions that I painted at the back of my mind. I saw people having fun, enjoying and most of all, they seemed so happy. I was happy for them - that they were still so complete and happy but I really did feel so down and low and how I envied them and how I felt so out of place, so left behind, so different; for they lived in such a wonderful world of happiness and comfort while I lived in a world of shame, sorrow and despair. Nothing I had ever done could make me happy, nothing gave me the thrill of joy. The world didn’t offer me comfort anymore, for I knew nothing really lasts that long, nothing really worth a sacrifice, they come but they fade away so fast. (Though we may think that they offer us absoluteness and happiness, they always seem to drag us down into oblivion; what we think takes us to the top always does make us feel so low and down). Only when I was inside the circle of God’s love did I feel comforted and safe, and the moment I stepped out of it, the world came stabbing me down again. Whenever I armed myself with God’s love and strength, the road seemed so calm but whenever I took that off, I lost control and the dark half of my inner-self revealed itself in the most poisonous form, hiding God’s loving face and I made moves without a clear head and I always did regret what I had done sooner or later.
    There is a battle in each and everyone of us but we do have a choice. So, let us sharpen our swords, take out the weapons God has planted in us, and always remember that we must never lay our weapons down and that only these weapons will see us through - for our battle is not against flesh and blood, but against the rulers, the powers, the world forces of this darkness, and the spiritual forces of wickedness in the heavenly places (Eph. 6:10-20); and to win, we don’t have to be a soldier in uniform. No matter how hard and painful the battles may be, we can survive, we must never give up, we must never quit or surrender, we must fight to the end... till the very end. No matter how much we may lose along the way, always remember - ‘He must increase and I must decrease.’ Let us be strong and brave, and let us bear the pain bravely, for we must know that all these tears that we have shed, all these heartaches we have felt and all these scars and bruises will get us ‘a medal of honour’ when we cross the river. When this long cold battle within us is over, we will be in God’s glory, singing songs of victory and praises where His glory shines on.... forever.

©buddyhnamte1999cal.

Bill Gaither


Grammy Award 5 leh Gospel Music Association (Dove) Awards 32 bakah America rama hla phuahtu leh tichhuaktu inzawmkhawm pawlin kum zabi 20-na chhunga hla phuahthiam bera an thlan leh Mizoten a hla phuah tamtak kan lo tuipui leh kan ngaihsan em em chanchin hi i hre tawh ngai em?

Bill Gaither hi William J Gaither tih hming pu in Indiana State(USA)-a khaw te takte Alexandria ah loneitu nu leh pa inkarah kum 1936 khan a lo piang a. A naupan lai atangin rimawi lamin a hip hle thin a, a naupan laia zaithiam the Statesmen, the Dixie Four leh the Harmoneers Quartet hla a ngaihthlak thin chuan a rilru ah music lama kal duhna lian tak a lo siamsak tawh a ni. A duhna chu a taka lo changin kum sawm chuan kal tawh daihah khan Gospel Music a miropui bikte chawimawina Hall Of Fame ah lawmluh a lo ni tawh a ni.

A nupui Gloria Gaither leh Billy Graham nen...

Hla phuah tura Pathian siam hian hla phuahin bul a tan bik mai lova, hlaphuah lama a kal tak tak hma hian High School-ah English zirtirtu niin basketball coach a lo ni tawh a. Nimahsela naupangte hnena sentence siam dan leh rebound lak dan ngawt zirtir atan Pathianin a lo ruat hauh lo. Zirtirtu hna a thawh lai atangin hla a phuah reng a, kum 1963-a a hla phuah "He touched me" tih chu Elvis Presley-an 1969 ah a albumah a telh ve ta a, heta tang hian khawvelin Bill Gaither a lo hmelhriat tan a, a theihnghilh leh tawh ngai lovang. Kum 1962 ah a zirtirtu pui Gloria Sickal nen inneiin ani nen hian fa pathum-mipa pakhat leh hmeichhia pahnih an nei a ni. Tin, hla 600 chuang an phuah dun tawh a, U2 leh Aerosmith album belhkhawm aia tam siam tawhin The Beatles aiin Grammy Awards an la hnem tawh zawk a ni. Hei vang hi ani mahna Donna Hilley, CEO of Sony Music Publishing-in "Gaither te hi Christian Music The Beatles an ni " a lo tih hial ni.

Bill Gaither Trio,Trio in Jerusalem,Gary Mc spadden leh an nupa

Khawvel hmaa Amah tantute chu Pathianin khawvel hmaah a chawimawi ve thung a. Gloria nena an inneih hnu lawk hian a unaupa Danny-a nen an nupain The Bill Gaither Trio an din a, 1970 a an siam Alleluia: A Praise Gathering for Believers tih chu Gospel Album zinga Gold status (copy nuai 5 hralh chin) nei hmasa ber a lo ni ta hial a ni. Kum engemawchen zirtirtu hna thawk chunga hla a phuah a, a record hnuin kum 1967 ah a hun puma music luhchilh turin a hna pakhat chu a kalsan ta a. Group lar tak Gaither Vocal Band chu kum 1980 tirlamah a din a. He Group indin dan hi a ropui hran lo khawp mai, Gaither Trio-in concert an neih tuma an chawlhlawk laiin zaia lo puitute nen an din a ni. He Group-a lo tel tawh Gary McSpadden, Michael English, Steve Green, Larnelle Harris, Mark Lowry leh Jonathan Pierce te chuan anmahniin career hlawhtling tak an lo nei tawh a ni. Grammy Award leh Dove Awards a lo dawn tawh te chu:

Grammys:

Best Southern, Country, or Bluegrass Gospel Album 1999,2001

Best Southern Gospel Album 1991

Best Inspirational Performance 1973,1975

Dove:

Songwriter of the year1969,1970,1972,1973,1974,1975,1976,1977,1986 (Gloria)

Song of the year 1974,1985,1988,1990

Southern Gospel Recorded Song of The Year 1994,1995,1999,2001,2002

Southern Gospel Album of The Year 1987,1991,1992,1993,1994,1999 to 2002

Inspirational Album of The Year 1976,1978

Long form Music Video of the Year 2001

Mixed Group of the Year 1980

Praise and Worship Album of the Year 1986

Heng bakah hian a video engemawzat Billboard Top 10 ah lang tawhin No 1 nihna hial an hauh tawh a, copy maktaduai engemawzat an hralh tawh a ni. Entrepreneur Magazine in entrepreneur tha 75 a thlan zingah a lo tel tawh bawk. Tin, kum 2000 khan American Society of Composers and Performers (ASCAP) chuan a nupui Gloria nen Songwriters of the Century ah a lo thlang tawh bawk a ni.

Dove awards nen, A naupan lai...

Heti khawpa chawimawina a dawng chung hian Bill Gaither hi a chapo ngai lova, artist tharte a puih nasat zia leh an thlarau nun a tanpui nasatzia hi a music thiamzia aiin a bula awmte sawi tam zawk a ni reng a. Alexandria khuaa an thenawm paho nena Pathian Thu sawiho nuam a la ti em em reng bawk a ni. A nihna anga lang mi a ni a, stage a a awmdan leh hmun danga a awmdanah danglamna a awm lo. A nihna ang anga Pathian fak duh mi a ni a, mahni talent hmanga Isua Krista chawimawi pawimawhna sawi uartu a ni. Heti hian a sawi: "Ka upa tawlh tawlh a thil ka hre tlem tawlh tawlh. Nimahsela ka hriat chhun erawh ka chiang hle. Chung zingah chuan Sunday School ka kal laia Isua Krista lema "Lo kal rawh" tih inziak khan mite a ko tih ka hria a, he thu hi mite hnenah tawmpuia puanchhuah ka duh a ni. Style chu an awm a an bo leh mai a, music bak hi a awm tur ani. Hei leh chen kan awm theihna chhan nia ka hriat chu miten Isua Krista kan hmangaihna an hmuh vang niin ka hria". Bill Gaither hi politics diklo lakah a inthiarfihlim hle a, miin heng function-a an sawm pawhin "Lal Isua bak promote kan tan a rem lo" a ti thin.

GVB album thar ber Cover(2011 August - a tihchhuah),Tun a GVB member te..(Wes Hampton,Bill Gaither,David phelps,Michael English,Mark Lowry)

Gaither Homecoming video lo chhuah dan:


Gaither Vocal Band leh Gaither Homecoming lo awm hian Mizo te Gospel Music-ah hian hmasawnna tam tak min pe niin a hriat theih a. Male Voice-a zai thin Gaither Vocal Band te hi Ktp-ah hian hre lo kan awm lo hial ang. An zaithiam zia sawi ngai lo in kan hria, an hla thenkhat te pawh mizo tawnga letlingin, Biak In inkhawmah leh Ktp fellowship-ah kan sain kan ngaithla thin a, tin, zaipawl te pawhin kan zir thin kha..... Gaither Vocal Band member ni ve lo Homecoming video-a lo lang leh lo zai ve thin te hi zaithiam lar tak tak vek leh music khawvelah Professional deuh vek an ni tih hi hriat tel a tha awm e. Mi mal ang pawhin music khawvelah sulhnu leh an hlawhtlinna chanchin tam tak sawi tur an nei theuh bawk a ni. Gaither Homecoming artist te hi, kan hmuh thin angin an hmel hmuh a nuam a, Pathian an fak a ni tih hi a hriat em em a ni. Homecoming-ah hian music arrangement pawh a tha a ni tih kan hria a, an hla phuah leh sak tam tak hi mizo ten kan lo tuipui a, Pathian fakna hla tha tak tak kan lo neih ve phah ta nual mai. Gaither Homecoming lo chhuah dan hi han sawi dawn teh ang.

Kum 1991 khan Bill Gaither (Gvb-a bass part sa tu kha) chuan Music khawvela a hun tawplam a hmang tan niin a hria a, a tawpna atan tiin Gaither Vocal Band nen album siam turin a inbuatsaih tan a. Hetah hian zaithiam a lo ngaihsan em em thinte nena an hla thiamtlan sa pakhat tal sakho a beisei a ni. Hovie Lister-a han be hmasa ber a, chutah George Younce, Glen Payne, The Happy Goodman Family, Jake Hess, the Gatlin Brother, the Speers leh midang engemawzat a sawmten an kal theih tur thua an chhan avangin a lawm hle nghe nghe a.

Recording ni a lo thleng a, artist-te chu hun rei tak inhmu tawh lote an nih hlawm avangin an inhmukhawm chu an lawmin an hlim tlang hle a. Zaithiamte hi chuai lam an nih hlawm avangin an tunhma hun sawi tur an ngah tlang hle a. Hemi ni hian nidanga a la tih ngai loh angin Gaither hian hla pakhat chauh record tur hian nilengin Master’s Touch studio chu a lo book tlat mai a, hei hi Pathian hnathawh lan tanna a lo ni reng mai. Recording room-ah an han lut a, Bill Gaither a tawngtai a. Hetah hian camera pakhat an nei a, Vocal Band-in music video an siam huna telh tur tlem azawng lak an tum a ni. Chutah JB Coats hlaphuah "Where could I go but to the Lord?" tih chu an han sa tan ta a.

Professional thiau an ni a, recording neih laiin thlarau pawlna chan pawha awmdan tawk thiam a pawimawhzia hre vek an ni. Nimahsela minute sawm a ral meuh chuan recording session naran a ni dawn lo tih a lo lang a. Pathian Thlarau an hnenah a awm a ni!

Hemi ni hian Jake Hess chu mitthi vuinaah zai a ngaih avangin a rawn tlai a, a rawn thlena an hla record a han ngaihthlak chuan thil danglam a awm tih a hre nghal mai a, Kristian pachal, kum sawmruk chuang zet chuan "Hetianga Pathian Thlarau chen nasatna hi ka la hre ngai lo" a ti hial a ni.

" A mawi lutuka kan sa tha leh ang!"

Hemi nileng hian hla dangte sain an zaikhawm a, he an zaikhawm camera-a an lo lak chu kum 1992 khan "Nashville Homecoming" tiin a lo chhuak ta a ni.

Khuang hnih Vs Solfa vs Rock Vs Modern Music


1. Hla nalh sak chang chuan zai pawh a nuam : Kan hla duh em em kan sak chang hi chuan nawn pawh hi kan chak ve thin.Chuti a nih chuan zai tui vak lova kan ngaihte pawh hian hla duhzawng an nei theuh tihna a ni dawn a, an hlasak duh zawng kan ngaihtuah sak dawn tinna emni ni ang?

2. Pathian thlarau changtute chuan enghla pawh tui takin an sa thin : A dikna chen a awm, mahse Kan mihlim tak tak biak in tuala lam thinte hian sap hovin Pathian fak nana an hman thin Rap leh Heavy Metal hla te hi han sukpui dawn ta se an ti thei ang em?An thei lo chiang khawp ang,mahse Pathian thlarau changtute tho an ni a!!

3. Nuam kan tih danin Pathian kan fak : Nuam kan tih dan chauvin Pathian kan fak a ni mai lawng maw?Khuang hnih hi ka tui hlawl lo,beginer kan nih lai khan khuang hnih hlain min zaipui ta char char se tunah pawh zai nuam ka ti khawp ang.Khuang hnih hlaa ka zai tui loh avangin thlarauvah ka awm lo tihna emni ni ang?Nih leh Rock music leh Rap hlaa an lam loh avang khan mihlim ho kha thlarauvah an awmlo tihna emni ni ang?

4. Kan ril rem zawng : Petra lammualah an rawn kal a,thalai tamtak kan pungkhawm. Kha mi tuma kan han lam nasat zia leh kan sapatal nasat zia kha..!!!Lam nasa sawi dawn chuan mihlim ho hlim lutuk tawnghriatloha an zawm ai mahin kan lam nasa a,kan zuang nasa zawk si a.Biak inah pawh hla thothang tha deuh leh sak nuam deuh kan sak chang chuan kan hriat loh laiin kan lo bu ve tlauh tlauh thin.

5. Diverse Generation : Sap tawng ten kan dah ve a,nia .. a nihna takah chuan Mizote hi Generation hrang hranga danglam kan ni a,kan duhzawng leh hla ngainat zawng pawh a inang lo hle.Kan nu leh paten khuang hnih hla an duh a, an ni aia kum 10 vela naupang ten Sofa hla,Hym kan tih ang kha an ngaina a,chutiang zelin keini generation hian Rock leh Classic Rock kan ngaina, keini aia la naupang zawkte chuan Punk, R&B, hiphop etc, an ngaina bawk a.Kan music ngainat zawng hi a danglam nasa lutuk. Hei hian Kohhran anga a huhova zai tui lohna a thleng niin ka hria.

Khuang hnih hlaa zai tuilote kha thlarau lo leh Pathian fak chak lova kan puh vek dawn chuan a dik lovang,kan lamna leh kan buk pui suau suauna Pathian hlate hi an bukpui theih ve loh chuan keini atang pawhin thlarauva awm lo leh Pathian fak chak lo an ni ve thei tho. A tawp berah chuan Kristian tu pawhin Pathain fak an chak a,kan hla duh zawng leh mahni taksa milpuiin kan fak ni maiah ka ngai.Hei hi Kohhran hian a hriat thiam em em hunah chuan tun ai hian inkhawm kan tha anga, kan pung tual tual ang.

Eng Music nge kan ngaihthlak ang?


Ringtu thalai tam takte rilruah heihi zawhna lian tak a ni thin. Khawvel lam hla (secular music) hi ngaihthlak a nuam a, a nalh vawng vawng a, a thlukin lung a kuai a, min hneh em em thin a ni. Tin, khawvel hla satute hian mi hneh theihna an nei tam bik a, musicians leh a zaitute chet zia hrim hrim pawh hi a mawi thlawtin mi tam tak min hruai thei thin. Chung khawvel lam hlate chu kan ngaithla dawn nge dawn lo, duhthlanna kan siam dawnin hengte hi teh fungah hmang ila,

1) Music-in a tum ber.
2) Music Style
3) A hla thu.

1) Music-in a tum ber : Music hi Pathian hnen atanga chhuak a ni a, Pathian chuan a mah fak leh chawimawi nan chauh a ti nge ? Mihringte hahdam nante, Hlimhlawp thil leh khawvel lam hla sak nan pawh a ti ... Bible-a rimawi tum thiam em em leh rimawi tum hmasa kan hmuh pakhat chu Lal Davida a ni. Lal Davida khan rimawi kha eng atan nge a hman ? Pathian fak leh chawimawi nan a hmang thin a ni tih Sam 4:1; 6:1; 54, 55; 61:1; 67:1; 76:1 -ah te kan hmu. Chutihlaiin, Thlarau sualin a tihbuai Lal Saula khan a buai changin a hahdam theih nan Davida kha rimawi tum turin a ko thin tih pawh kan hmu tel bawk. Tin, Israel fate khan music hi hlauhawm a lo awm a in kohkhawm nan an lo hmang thin tih pawh Nehemia 4:20-ah kan hmu a hetiangin " Tawtawrawt ri in hriatna lam apiangah chuan chutah chuan kan hnenah lo tlan khawm ula; kan Pathianin min do sak ang,". Hmelmate tihthaih nan pawh Gideona leh a hote khan an hmang a ni tih Roreltute 7:16-22 ah kan hmu bawk. Thuthlungthara tirhkoh ropui Paula ringtute hnenaah, " Fakna hlate, Pathian hlate, thlarau lam hlatea inbe tawnin, Lalpa chu in thinlungah hla sak sakin, tingtang kaihsak rawh u", tiin a fuih a. Heng atangte hian music chu Pathian fak leh chawimawi nana hman ber a ni tih kan hmu a, Tin, ringtute'n thil dang atan pawh an hmang tho a ni tih kan hmu bawk.

2) Music Style : Mi chi hrang hrang kan nih avangin kan duhzawng a in anglo nuk mai. A then chuan music instruments tel miah lo zaipawl an duh a, a then chuan Kristian hla bu ami chauh ngaina an awm a, a thenin Rock lam an ngainat em em laiin a then chuan kristian Hymns kan tih chauh nalh ti an awm bawk. Pawi ta em em chu thenkhat mahni music duh zawng chauh hi bible-in a pawm nia hria a, music dang hnualsuat a, Setanic music lama puh tlat an awm thin hi. "Engkim thawthei tawh phawt chuan Lalpa chu fak rawh se, Lalpa chu fak rawh u ", a tih ang khan engkim, thil engkim... ri chhuah thei tawh zawng zawng, thil nung leh nunglo thlengin Pathian fak tur kan lo ni. Bible chuan Rock music hi Pathian faknan hnawl a ni a, hla muang deuh lam chi chauh hi Pathian fak nan hman tur a ni a ti reng reng lo. Sam 68:25;150; Ezra 3:10 -ah khan Pathian fak nana musical instruments an hman leh Lalpa fak nana an tihte kan hmu a. Sam 150 ah khan khang hun laia musical instruments an neih zawng zawng a rawn ziah chhuak niin a lang, chuti a nih chuan Lal Davida khan kum 2000AD hnulam hian sam number 150na kha han ziak leh se, Drum set, electric guitar, bass guitar etc, a telh vek a rinawm. tunlaiah chuan hnam hrang hrang kan music ngainat dan zelin Pathian fak dan leh chawimawi dan hi a dang ta niin a ngaih theih.

3) A hla thu : Music in a tum leh a style atang ringawt chuan ringtute tan ngaihthlak tur thliar hran a har ta. Pawimawh ber nita chu a hla thu hi a ni. Philippi 4:8 hi innghah nan hmang ta ila "A tawp berah chuan unaute u, a dik apiangte, a zahawm apiangte, a fel apiangte, a thianghlim apiangte, a duhawm apiangte, a thangmawi apiangte- thatna reng a awm a, fakna reng a awm phawt chuan - chungchu ngaihtuah rawh u." Music kan ngaihthlak reng rengin he Bible chang hi ngaihtuah thin ila, khawvel lam hla (lengzem leh lenglawng) kha adik a, a zahawm a, a thianghlim a, thatna reng a awm a, fakna reng a awm phawt chuan ringtute tan ngaihthlak a pawi lo.

Khawvel lam hla (secular music) kan hriat tam takte hi chu Philippi 4:8 nena in letling thawkte an ni, tharum thawhna, mipat hmeichhiatna hman khawloh leh in huatna te min zirtir a, Pathian ropuina sawichhe zawng leh remna leh muanna do tlat, Lal Isua zirtirna kalh zawng hlate chu ringtute chuan kan ngaithla tur a ni lo. Chutihlaiin secular music tam tak, a hla thua Pathian hming lang kher lo, mahse thianghlimna te, inhmangaihna te leh inunaunate rawn tar lang a awm bawk. Tin, love song tamtakin inhmangaihna thianghlim leh thianghlim taka nupui pasal neih lamte an rawn tarlang bawk. heng hlaahte hian Pathian hming langlo mahse ringtute tan ngaihthlak a pawilo.

Chutihrualin kan hriat reng tur chu rilrua khatliam kain a sawi chhuak kan tih ang khan kan thinlung luahtu thil chu kan ka leh kan chet ziain kan puang chhuak ngei ngei. Heihi a nih avangin Kolossa 3:2, 5; ah chuan "Chung lama thil awmah te chuan in rilru nghat tlat rawh u, leia awmahte chuan nghat lovin........... Chutichuan in taksa peng leia awmte hi tihlum rawh u, inngaihnate, bawlhhlawhnate, hurnate, chakna sualte, duhamnate hi( duhamna chu milem biakna a ni si a)". II Korinth 10:5 a kan hmuh angin 'hnialnate leh thil sang tinreng Pathian hriatna dal tura sang taka siamte chu thiatin, ngaihtuahna tinreng Krista thu awihna salah kan hruai zawk tur a ni'.

A tawp berah chuan ringtute tana music ngaihthlak tur tha ber chu Pathian hla kan tih mai, fakna leh Pathian ropuina puangchhuak hla hi ni lo thei lo. Kristian musicians thiam tak tak an tam thlawt, eng music style/genre(rock, rap, raggae, classical music,pop, etc..) pawh ngaithla duh la, gospel music ah hian a kim vek a ni. A hla thu atangin kan ngaihthlak tur kan thliar tur a ni. "Thil engpawh Pathian kan hnaihna kawnga min daltu tawh phawt chu sual a ni".

I film chan chu en tawh ila


Tik tok, tik tok, tik tok, tik tok… Tik tok tih i chhiar ringawt pawh hian second hnih chu a kal liam leh reng tawh. Hemi sentence i chhiar zawh phei chuan second sawm dawn lai a liam hman ta! Nichin kha a liam mai a, nizan kha a liam thuai a, kar hmasa pawh kha a liam ta vung vung bawk a.Hun hi hmalam panin a kal bung bung a, a hawikir ngai lo. Tin, a ding ngai bawk hek lo.

Kan thil tih apiang hi DVD writer-a thil kan disc kan burn ang hian a in record zel a, lo burn sual pawh ni ila, tih that leh theih a ni tawh lo, a sual ang ang khan a in write zel a. Kan thil tih apaing chu atha emaw a thalo emaw, engkim, a zawng zawngin Disc lianpuiah a in save ta zel a. Eng percent chiah nge kal tawh ? Write zawh nan eng zat percent nge la awm tih tuman kan hre bawk si lo.

Theory chuan hun kaltawh (Past) -ah kal let theih mahse reality chuan thil theih a ni si lo. Chuvang chuan kan hun kaltawhte kha thiamna chi hrang hrang rawn mah ila, kan edit tha thei tawh lo. Video file kan export ang mai hian kan nun hi Disc lianpuiah chuan a in Render tluk tluk a ni.

Heti a nih chuan mimal tin hian mahni chanchin film chu kan shoot mek reng tihna a ni a. A nih leh tunah tak hian eng scene nge kan shoot mek ? Mipat hmeichhiatna hmankhawloh Scene em ni ? Nge Sum diklo taka lak lai Scene ?…. Nimin khan eng scene nge i shoot ? Vawiin hian eng scene nge i shoot dawn ? Cut a awm dawn lo, retake a awm dawn bawk hek lo. Vawikhat i shoot kha final a ni nghal zel a nia. Edit miah lovin.. raw files kha i submit a ngai dawn tih hre reng rawh.

Tichuan Pathian in ” I hun a thleng ta e”, a rawn tih hunah i film chan chu i thehlut dawn a, tichuan, mi zawng zawng hmuhin i film chan chu tlangzar a ni ang, kan la en ho vek dawn. E hiau..!! chuti a nih chuan nula ka lo khawsak pui dante, a ruka ruihhlo ka lo tih te, tual ka thah laite leh ka eiruk laite kha a hohovin kan en dawn tihna a ni maw…. ni chiang e. Lalpa leh.. a va han zahthlak dawn haih haih ve le. Ka chang thui tawh khawp si a !!!!!

Tupawhin eng scene nge kan chan hlawm kan chu kan hre kiau ang chu. A huhova en atan chuan zahthlak tak tak a awm chiang hlawm ti rawh u, kan edit thei tawh si lova !!! A va han manganthlakin a va han zahthlak dawn tak em !!

Mahse..Heyy…. Good News a awm a nia….

CENSOR BOARD an awm hlauh a nih chu. Tute nge chumite chu in ti maithei.. Member chu pakhat chauh a nia, chu chu Lal Isua a nia. Scene thenkhat a huhova en chiloh i neihte kha Lal Isua i rin chuan a Censored sak ang che. “A va han lawmawm em em ve le, Lal Isua chu rinve tur a nih chu”. Mahse thil pakhat leh chiah… ka ring ti engang mahla, a duhzawng i tih ngai loh a, a lungawina i siam sak loh chuan a censored loh sak palh ang che tih chu a hlauhawm khawp mai.

LITERATURE

Kristian pun chak chhan pawimawh tak chu Kristian Literature pawl hrang hrang te tan lak vang a ni. Thawm awm lovin khawvelah hian Literature hian Indona hi a kalpui muah muah reng a. Communist tluk chhiat chhan pawh Literature vang hi a ni tih theih a ni.
Tunlai khawvel changkangah phei hi chuan tawngkaa Chanchin tha hril hi a har em em tawh a. Chuvangin, Literature hi rawngbawlna pawimawh tak a ni lehzual ta a ni. Kan Zosapte khan literature lama tan lak a tulzia an hre chiang a, an bei nghal chat a. Bible lehlin, Zirlai bu siam, hla, drama etc. Literature hmangin Zoram hi Kristianah an siam ti ta ila a sual tam awm love.
Literature hi Missionary huaisen, tlanchhe ve ngai lo, tawng tinreng thiam bawk si a ni. Dam loh leh chak loh chang nei lo, kal hrehna hmun a nei lova, thu nung leh thil ti thei, do tute hneh zel thin a ni. Literature hi thalaite nunkawng hruaitu, ringtu chak lote chelh dingtu, rawngbawltute fuihtu a ni a, a pawimawhna hai der theih a ni lo. Kan hman tangkai zawh poh leh kan rawngbawlna zarzotute an thahnem dawn a ni.

KA THIAN ENGINNGE HRUAI CHE?

Galatia 2:20 - Krista hnenah khenbehin ka awm ta; nimahsela ka nung a ni; keimah erawh chu ka ni tawh lo. Krista chu keimahah a nung zawk a ni; tin, tuna tisaa ka nung hi rinnaa nung ka ni - Pathian fapa, mi hmangaiha ka aia inpetu rinnaah chuan.

Greenland ramah chuan vurtlang chhiarsen loh a lang nuaih nuaih mai a. A then chu vurtlang te tak te te an ni a, a thente chu lian tak tak, ding luah mai an ni hlawm. Vurtlang te deuhte chu kalna lam pawh nei lem lo leh awmze nei vak lova an chet laiin a lian deute chuan kalna lam bik an nei thin. A chhan chu: a te hote kha chu thliin a chhemna lamah an lengkawi mai a, vur tlang lian hote erawh kha chu tuipui luangin a luanna lamah , a luandan zawngin a chetpui thin a ni.

Hetiang deuh hian kan nunah pawh hian thil pahnih, min hruaitu a awm ve thin. Thli chuan kan nuna thil danglam, hriat lawk loh thil lo thleng thin leh buaina te a entir a. Chumi rualin heng lungngaihna leh harsatna chhumpui min hual veltute kiangah hian thil dang, chak tak leh thiltithei tak, hmuh theih ni lem lo hi a awm ve bawk a ni. Chu chu engnge ni? kan tih chuan Pathian hmangaihna thu tak, kan tana luang hi a ni. He hmangaihna, tuipui anga chak tak leh nghet tak anga luang hi a ni, kan thlarau kaihruaitu atana kan hman tur leh kan rin tur zawk chu.
Sam ziaktu kha mi vervekte hmuingilnain a rilru a tihbuai lai khan Pathian nena inpawl turin hmun thianghlimah a lut daih a, thil awmze dik tak a hmu thiam chiah a nih kha.(Sam 73:17). Joba khan harsatna namen lo a tawh lai pawh khan, "Mi tihlum hial mah sela, amah chu ka nghak cheu vang: Mahse, a hmaah ka kawng chu ka tan ang" (Joba 13:15) a ti a nih kha. Tin, Paula, ‘Krista ruala khenbeh’ a nih inhretu khan, "Lehlam lehlama neksawrin kan awm a, nimahsela kan bei a dawng si lo" (II Korinth 4:8) a ti thei a nih kha.


Pathian kan rin tlat chuan, thlemna thlipuite hian min chim ngai dawn lo a ni. Pathian hmangaihna leh thiltihtheihna chuan min kaihruai zel zawk dawn a ni.
(Pathian nena thlipui tawrh chu a tel lova hmun nuam taka awm ai chuan a tha zawk a ni) - Benz

Khawvel a tawp dawn hnai em ni ?

Tunlai hian khawvel tawp chungchang chu mi tam takin an buaipui nasa hle a. Hetianga sawi a tam tak viau chhan hi chu Mayan Calendar ah December ni 21, 2012 hi khawvel tawp hun tur angin a lang a ni. Mayan ho, Nostradamus, Thuthlung Hlui hunlaia zawlneite, Isua zirtirte bakah tunlai scientist te chuan kan solar system ah planet thar ‘Nibiru’ a pian tur thu an sawi lawk a, he planet thar hi ‘12th Planet’ emaw ‘Red Planet’ emaw ‘Planet X’ tiin emaw an ko a. He planet thar hian kan chenna khawvel hi a rawn su chhe dawn niin Mayan ho chuan an ngai a ni.

Buaipui tanna : December ni 8, 2006 a Mel Gibson-a film siam ‘Apocalypto’ an tihchhuah atang khan Mayan Calendar hian ngaihven a hlawh thar leh viau mai a. Heng mite hian khawvel tawp hun chu an buaipui ber a ni.‘Apocalypto’ tih hi Greek tawng a ni a, a awmzia chu ‘Thil inthup khuh hawnna leh bul tan tharna’ tihna ang a ni a. Hei hi Mayan hovin ‘Fin de los Tiempos’ an tih, khawvel tawp hun tur an sawi nen a inrem hle a, hei vang hian an ngaihven phah lehzual a ni.
Mayan Calendar : Mayan Long Count Calendar ah chuan ‘End Date’ hi 13.0.0.0.0. ah tihlan a ni a. Hetah hian an Calendar pawh a tawp chiah a, hemi ni hi ‘Winter Solstice’ chiah a nih bakah December ni 21, 2012 chiah a ni bawk a. Hei vang hian he ni ngei hi khawvel tawp ni a nih ngei an ring tlat hlawm a ni.Mayan ho hian 3113 BC khan Calendar hi an siam tan a. Calendar chithum an nei a, pakhat chu ‘Tzolkin’ an ti a, hei hi an Calendar serh ber a ni a. Hei lo hi agricultural calendar an tih mai ‘Haab’ a awm leh a. A pathumna leh khawvel tawp chungchang tarlangtu bera an sawi ‘The Long Count’ a awm leh a ni.A hnuhnung ber ‘The Long Count’ bik hian khawvel tawp hun tur chu a tarlang a. He calendar hi kum 5000 apiangin a intan thar leh ziah a, tuna a hun kalpui mek hi BC 3114 vel atanga intan kha a ni a. Mayan ho rin dan chuan hun hmasa ber chu Pathianin kan chenna khawvel leh a chhunga chengte a siam lai kha a ni a. Hun hnihna leh hun thumna ah chuan Pathianin hlum hmangin mihring a siam bakah thing leh hnim te a siam a. Tuna kan hun hman mek hi hun lina a ni a, hun tawpna niin an ngai bawk a ni.
Ngaihdan hrang : Mayan ho rin dan hi mi tam tak chuan an ring tawh viau mai a, anni ho lah hi hnam fing tak, mathematics, engineering leh astronomy lama thiamna nei sang tak an ni a. Hei mai bakah hian van boruak chanchin vel pawh an hre hneh hle bawk a ni.‘The Long Count’ in a tarlan dan chuan he calender hun hi kum 5,125.36 thleng daih tur a ni a, he hun hi December ni 21, 2012 ah a tawp chiah dawn a. He hun kal lai mek ‘The Great Cycle’ an tih mai hi a tawp a nih chuan khawvel pawh a tawp nghal turah an ngai nghet tlat a ni.Mi thenkhat chuan Mayan ho rin dan hi an tawmpui viau laiin thenkhat erawh chuan khawvel hi a tawp mai an ring lo hle thung a. Heng mi ho ngaihdan chuan khawvel hi tawp lovin hun thar danglam tak, mihring thiamna leh finna mai bakah kan taksa lan dan thlenga danglam hun kan thlen an ring ve thung a ni.
Calendar dang : Mayan calendar ah chuan khawvel tawp hun tur hi tarlan tawh angin December ni 21, 2012 a ni a, hetiang deuh hian calendar hrang hrang pawhin tawp hun tur an nei ve nual bawk a. Khawi ber hi nge rin ber tur hriat thiam a ni chiah lo a, Mayan ho calendar hi a dik ber tih theih a ni tlat lo.Hindu ho chuan 2003 khan an pathian Krishna chu khawvela lo kal turin an ring daih tawh a, tun thlengin an la beisei chhuak lo a. Muslim calendar chu 2076 a tawp tur a nih laiin Jewish calendar chu 2240 ah daih a tawp dawn bawk a ni. Carl Johan Calleman chuan Mayan calendar hi uluk takin a zir a, ani chuan ‘The Great Cycle’ hi October ni 28, 2011 a tawp tur angin a zirchhuak thung a. A zir dan chuan September ni 8, 2040 ah planet te chu an insiamtha leh dawn chauh a ni.
A tlipna : Khawvel tawp hun tur hi tunhma deuh atang tawhin mi tam tak chuan an buaipui nasa hle a, mahse tun thleng chuan a la tawp lo zel chu a ni a. Hetiang sawi sep hi awlsam taka lo ring ve zung zung chi hi khawvel hmun hrang hrangah an awm zel lehnghal a. A chunga ka’n tarlan takte pawh khi miin lo ring se tih vanga ziah a ni lo a, kan rilru sen zau zawkna atan leh hetianga sawi hluai hi a dik kher lo tih lantirna atan a ni zawk a. Miin an sawi nasat deuh avanga ni ngei tura lo ngaih ve ngawt chu a fel lo thei viau a, keimahni leh Pathian inkar hi tifel hmasa phawt zawk ila, heng thuthang mai mai hi chu kan buaipui hauh lo ang a. Eng hunah pawh khawvel tawp dawn se ringtu tak tak tan chuan engmah buaina tur a awm lo a ni.

(Kan member te zingah he thil hi buaipui tak tak an awm tih ka hria a, ka ziahna a rei deuh tawh na a, ka rawn dah ve leh a ni e. - TKA Hnamte)

MEDIA RAWNGBAWLNA

"Media changkang hmanga, Rawngbawl tura koh i ni asin!"
(Heb.1 : 1 - 4)


Pathianin a mite biakpawh a duh thin. Hmanlai chuan Zawlneite hmangin thu a sawi a, Thuthlung Thar hunah a Fapain thu a sawi. Keini hunah eng nge kan hman ve ang?

Kan rama Chanchin Tha rawn thlentu, Zosap Missionary te ngei pawh khan an hun laia Media changkang ber hmangin rawng an lo bawl a. Mizo tawng zir chawpin A AW B min zirtir a, Bible an letling a. Sylhet Mission Press lamah an zuk chhuttir vang vang a nih kha! Print Media, changkang ber hmangin rawng an bawl a ni. Hei vang tak hian Rawngbawlna pawh kha a chak hle reng a ni. Kum za zet a liam tawh hnu pawh hian Print Media hmanga rawngbawl bak hmasawn harsa kan ti hle. Chutih laiin Media a chhuak thar zut zut reng a, Information Technology lama hmasawnna lah a thlawhin a thlawk duai duai mai bawk si! Rualawhna leh duhthawhna nasa tak nena thlirtu tan chuan Media chhuak thar hmanga rawngbawl tura kan inpekna pan lutuk leh muang lutuk hi chu hmuh a hreawm ngei ang.

Nang, Thalai duhawm tak hi Media changkang hmanga Rawngbawl turin Lalpan a duh che sin!



I NI MIAL EM ?

Pathiannia damlohna (inkhawm peih loh hri) hi Morbus Sabbaticus an ti a, Kohhran member zingah vei an awm nual a, natna mak tak a ni awm e.
1) A nat dan a inang lova; mahse, chaw chakna lam hi a tibuai miah lo.
2) Tum khatah rei tak an na ngai lo.
3) Doctor an rawn ngai lo.
4) A tawpah chuan thlarau lam thihna a thlen thin.
5) Innel takte tan natna inkaichhawntheih chi a ni.
6) Tisa lam awn chingte natnaah chuan a tha lo pawl tak a ni.
7) He natna hi damdawi ngai miah lovin Pathianni tlaiah a kiang tan a, dam lo chu motor-a inkhalh chhuakin a leng vel thei tawh a.
Vanneihthlak takin Thawhtan tukah ngat phei chuan he natna hi a bo hmiah tawh a, damlo chuan harsatna nei miah lovin a duh duh a thawk thei tawh thin a ni.

I LO NI VE EM?


Vawi khat chu Pastor pakhatin Henry Ward Beechar-a hnenah Pathianni chawhnu inkhawm laia muthlu thin hi engtia tih nge tha ber ang tih a zawt a. Beecher-a chuan, "Tiang tha tawk tak usher hnenah pe la, thuhriltu chu i hlap harhtir dawn nia," tiin a chhang.
Pulpit hi thuhriltu lal thutthleng a ni a, Krista aiawhin a ding a, a thusawi tur chu Pathian Thu a ni a; a kiang velah chuan thlarau thi thei lo an awm a. Chhandamtu, hmuh theih loha chuan a dinpui a, Thlarau Thianghlimin inkhawmhote chu a uap reng a; vantirhkohvin an rawn bih a, vanram leh hremhmunin a thusawi chu an lo ngaichang thin. Inpawlhona hmun danglam tak mawphurhna danglam tak a ni e.