Vawiin ni,June ni 10.2012 (Pathianni) chawhma inkhawm ah Dawrpui Vengthar Pastor Bial Khawmpui in a remtih angin,Dawrpui Vengthar kohhran ah Tual upa thlan a ni a,Tual upa atan,Pu C.Laldawngliana leh Pu Zohmingliana te thlan tlin an ni.Kohhran mipui te kan lawm hle mai.Pathian min hruaina ah lawmthu kan sawi a ni.
Aizawl West Presbytery Inkhawmpui Vawi 13-na
Aizawl West Presbytery Inkhawmpui Vawi 13-na (October ni 6-9) chu Kanan Kohhran Biak Inah neih mek a ni a, Ni 6. 10.2011 khan, chawhma lamah Finance committee thuin,Upa thlanthar exam a ni bawk a, chawhnu lamah Sub-pastoral committee leh Nomination Committee an thu a, Zan lamah Pathian Biak Inkhawm (Inlawmna leh Reports) a hun hman a ni a, Ni 7. 10. 2011 (Zirtawpni) chhunah Nilengin Presbytery Rorel a ni ang a, zan lamah Pathian biak Inkhawm in a zui ang, Dar 6:30p.m ah Pathian Biak Inkhawm tanin Thlarau lam thupui 'Ringtute nghahfak Lalpa Lokal lehna'(Phil 3:20) tih, Pastor R.Lalhmingthanga,Tanhril hnen atangin ngaihthlak a ni ang. A tuk Ni 8,10,2011 nilengin Presbytery rorel leh zan lamah Pathian Biak Inkhawmin a zui leh bawk ang a,Ni 9,10,2011 (Pathianni) zanah inkhawmpui hi a tiak dawn a ni. Inkhawm apiangin Bial zaipawl leh Kohhran zaipawl hrang hrangte an zai thin bawk ang.
Aizawl West Presbytery Inkhawmpui Vawi 13-na Puipate :
Secretary(Sr.) : Upa H. Ronghaka, Vaivakawn
Secretary(Jr.) : Upa Lalbiaksanga Ralte, Luangmual Vengthlang
Treasurer : Upa T.Rohmingliana, Dinthar (2009-2011)
Statistician : Upa P. L.Chhuanthanga, Luangmual
Programme :
Ni 9.10.2011(Pathianni)
CHAWHMA
10:00 a.m : Upa Nemngheh Inkhawm
Thuchah leh tawngtaisaktu : Upa T.Sena, Dinthar
Zaipawl zai turte : Dinthar Vengthlang Kohhran Zaipawl,
Vaivakawn Bial Zaipawl
CHAWHNU
1:00p.m : Lalpa Zanriah Sacrament
Thehtu : Pastor B.Lalnghakliana, Vaivakawn
Zaipawl Zai turte : Luangmual Vengthlang Kohhran Zaipawl, Tuikual Bial Zaipawl
ZAN
6:30 p.m : Pathian Biak Inkhawm
Valedictory Sermon : Pastor B.Vanlalduha, Moderator kal chhuak
Zaipawl zai turte : Zonuam Bial Zaipawl, Dawrpui Vengthar Bial Zaipawl, Kanan Kohhran Zaipawl
THURELTE :
1) "Hlamzuih chungchang hi en that ni rawh se" tih thu Tanhril Bial atanga lo lut chu a thehluttu Bial sawifiahtira nih hnuin kan sawi zui a, kan kal dan pangngai hi a la tha e, kan ti.
2) "Synod thawktu nghet tur lak tharte tan Pension Dan thar(New Pension Scheme) siam ni rawh se" tih thu Chawnpui Bial atanga lo lut chu a theh luttu Bial sawifiahtir a nih hnuin kan sawi zui a, Synod-ah kal zel rawh se kan ti.
3) "Kan Presbytery huam chhunga Kohhran pahnih emaw,pathum emaw khawiha Kohhran thar siamtheihna awm a awm a nih chuan Synod-in Kohhran indanna tur a budget a dah lai denchhen hian Kohhran thar siam dan kawng zawn ni rawh se" tih thu Vaivakawn Bial atanga lo lut chu a theh luttu Bial sawifiahtir a nih hnuin kan sawi zui a, a tha e, kan ti a, Presbytery Standing Committee-in lo bawhzui rawh se kan ti.
4) "Synod Ramthar School-te hi mahnia intodelh turin hma lak ni rawh se" tih thu Dawrpui Vengthar Bial atanga lo lut chu a theh luttu Bial sawifiahtir a nih hnuin kan sawi zui a, Synod Ramthar Board-ah thlen ni rawh se kan ti.
5) "World Council of Churches (WCC)-a Presbyterian of India(PCI) member nih ve chungchang" kan Presbytery ngaihtuah tura min rawn tihna chu Moderator-in a sawm anga Secretary-in Synod atanga a rawn kal dan a sawifiah hnuin zau taka sawi ho a ni a, WCC-a PCI member nih ve chu a tul lo ve, kan ti.
6) "Pro Pastor R.Lalmalsawma,Vaivakawn 2012 Synod-a nemngheh dilpuina" - Vaivakawn Bial
7) Kohhran Upa thlan dil : Tuikual South Kohhran -Dil zat 3. (An dil ang hian phalsak a ni)
A hun : Ni 11-14 October, 2012
Secretary (Sr.) : Upa Lalbiaksanga Ralte,
Luangmual Vengthlang
Secretary (Jr.) : Upa Laldawngkima, Tanhril
Treasurer (2010-2012): Upa T. Rohmingliana, Dinthar
Statistician : Upa H. Vanlalfaka, Tuikual North
Npss & Senior Department Inkhawmpui zo ta
September ni 11 leh ni 18,2011(Pathianni) khan kan bial chhung Naupang sunday school inkhawmpui chu zawh fel a ni a,Naupang ten zing inkhawm ah Thu leh hla sawi in an sa a,Inkhawm ban thingpui in zawh ah fellowship hun hmang in,Special item tha tak tak an nei a,Chhun inkhawm ah thuchah tawi ngaithlak,special Item thenkhat en leh ngaihthlak bak ah lawmman semna hun te an hmang bawk a ni. Kumin ah hian intihsiak lovin, zirtirtu leh naupang attendance-ah chauh intihsiak a ni.Department hrang hrangte inkhawmpui dan leh inkhawmpui na hmun te:
(Junior Dept inkhawmpui thlalak..)

Department hrang hrang te Attendance-ah in el na neih a ni a,kan kal dan hetiang in:
Senior Department Khawmpui
Senior Department khawmpui hi September ni 18-ah Dawrpui Vengthar Kohhran-ah nghah a ni a,Zing inkhawm ah Kohhran hrang hrang-a zirlai ten Kohhran thurin Number 9,10-na an sawi a,Solfa hla KHB-225 'Malsawmna thisen tuikhurin' leh Lengkhawm zai KHB-442 'Hetah hian nunna ti a luang' tih hla an rem a,Inkhawmban ah Centenary hall ah fellowship hmangin,chhun inkhawm in a zui a,Rev C.Chawngliana hnen atangin Thuchah tawi ngaihthlak a ni.Fellowship leh chhun inkhawm ah Special Item tha tak tak kan thlir in kan ngaithla a ni.
(Khawmpui thlalak thenkhat te.... )



(Dawrpui Vengthar Bial Ktp pawh in Musician tha leh zaithiam kan neih belh zel dawn e)



Biak In Pahnihna
Mi an lo pun zel avangin Biak In chu a tawt tan ve leh ta mai a.Kohhran Committee rawt angin May ni 28,1961-ah a sak dan tur Kohhran vantlang inkhawmin an rel a;a bathlar zauh an rel a.chumi hnuah chuan Kohhran Committee duh angin an sawi nawn leh a.
Biak In ding lai sakhnan a,a lian zawk a sak chu an rel thlu thei ta a ni.Thawhlawm pawh khawn nghal a ni a.Thalai Pawlin Rs 860/- an ngah a.Kohhran Hmeichhiain Rs 265/- an tlin bawk a.Kohhran mipui thawh khawm nen,Biak In a dung Ft 55,a vang Ft 34-a zau chu an sa tan thei ta a.A Bangbul (Scirting) atan Lawirawhchan (Brick) an rem a;a bang Hratvunchar (Tile),a ban ngiau puichang,a chung Rangva chhah chi hman a ni.Theihtawp tak meuhvin tan an la a,April ni 5,1965-ah Inkhawm nan an hmang tan leh thei ta a ni.
Biak In sak hmang hi-a dung,a vang leh a san zawng,a chung chhawngah a sir tluan tawnin darthlalang bel vek leh ventilation te,kawt lamah varandah inte tlema chei leh,dithlifarfem thing zai kaka bel tluanchhuah inchawih tak mai bakah kawngkapui pahnih inkarah lian tawk takin darthlalang rawng hrang hrang a belkhawm hlam bial zet tura zau awm chuan mit a la in a tih mawi phah hle a ; Biak In sathar tur te hian an rawn en ve fo thin a ni.He Biak In ah hian zai a nuam em em mai a,Aw,a thangkhawk ve lova; zaipawl hla rem hi a mawi zual bik emaw tih mai tur a ni.
pic1(1980 leh 1990 chhova Ktp hruaitu te.) Pic2 (Biakin 2-na kawt ah kohhran Hmeichhia te)
Biak In Vestry : Biak In hmar lam hi thenawm ram chin deuh maiah sak a nih avangin hmun awl a awm lova.Thlanglamah te tak tein thawhlawm thawhlawm chhiarna tur Inte uluk taka siam a ni a;Kum sawm dawn lai hnuah chuan Sakrament buatsaihna hmun pawh awmlo chu Vestry pangngai ve deuh sak rel a ni a.Biak In char lam ah Pu K.Remsiama ram bawk chu dil a ni a,ani chuan tlawmngai takin Kohhran mamawh zat chu a lo leitir leh thei ta mai a,an lawm em em a ni.Upa Sangkhuma(Thing mistiri) Lungdai khua chu ruaiin,Biak In vang lam tia in a chung chhip atangin chhunkuna uluk takin Biak In timawi zawk mah a sak a ni ta a.Kum 1974-ah luah theih a sak zawh a ni.
Biak In Hungna: Biak In chhak lamah hungna siam a ni a.Hei hi ramri laiah pawh ni chuang lovin a rem lai ah lunglum dan nan leh tuihawk hruai ngilna atan siam a ni a.Kawt lamah Kum 1971 ah Rs 368/- chawiin Gate thir/-a siam a ni a.Thlang lamah pawh chhuah thlakna uluk tak step siam in Gate Rs 475/-seng in siam leh a ni a,Biak In hungna pal leirawhchan (Brick)a pin te nen May 15,1980 ah zawh a ni hlawm a,Biak In ramri hi Sawrkarin phalna(pass)lehkha (order No 65 of 1976,memo No.DCL/GW-10/76/3433-8 of 14.6.1976)siam thlap a ni.
Biak In-a Electric Lakluh : Pathian Biak inkhawmnaah Petromax zan ah chhit thin a ni a.Aizawl khawpuiah sawrkarin electric a lak luh veleh Dawrpui Vengthar Kohhran chuan mahni ina lakluh ngaihtuah hmasa lovin Kohhran Committtee remruatnain Biak Ina lak luh dan ngaihtuah a ni a.Pu Lalkhawhluna leh a thenawm pa Pu Lalchhunga SDO PWD-te chu Electric Department Office-ah hotute bia in an leng a.Pathian Biak In tan anih avangin remchang lo siam theih an tum thu an lo hrilh ta a.An lawm hle mai a.Electric lakluhna tur sum tuak nan lehkha ip siamin kohhran chhungkaw in tinah an sem ta a,Kohhran hovin an thawh theih angte Ip chhung ah khungin inkhawm pahin Biak In ah an keng khawm a ni. An thawhlawm Ip te chu November ni 7,1971 ah an hawng a,A vaiin Rs 408/-a ni.Kohhran Tualchhung sum atanga tihbelhin Electric hrui zamna man leh thil tul dang atan Rs 536/-hman a ni a,Electric line Connection atan Sawrkar-a dah luh Rs 345/- niin, Senso zawng zawng Rs 881/- a ni .December Ni 7,1971 ah Biak In ah Electric eng chhit tan a ni a. Aizawl tlak lamah Electric eng chhi hmasa ber niawmin an inhre bawk a ni.
Biak In 2-na
Biak In Pakhatna
Kan Biak In hmun hi Pu K. Remsiama leh Pu Ramliana(Bawrhsap Office clark i/c Transport) te chuan ‘Biak In hmun atan a remchang mai awm mang e’ti in, Kum 1955 khan Pu Satinkhenga ‘L’ leh a thian pahnih te chu an samfai tir a,A tirah chuan Taitan(Kangthai),Hel leh Thakpui hmun,Sih awmna anga hmun hnawng reng mai a ni.
Chutia an han sam fai takah chuan,Pu Khawpuia,Pu Lamthanga te leh midang te chuan an ngaihsak ta hlawm a.Thenfai leh laih zawl hnatlang an nei zui a,Pu Ramliana chuan an Office a mi (Petromax) khawnvar a rawn hawh a;zan ah te an thawk zui a,thla en zan te pawhin an bei a,August ni 1,1955 ah chuan Pu Lamthanga’n a vawk a thawh a,nileng hnatlang an nei a,an thawk nasa em em a ni.A ram chu a zim deuh avangin Pu Remsiama chuan ama ram a sahthlak tak bawk avangin an phur zual a,Kum a han tawp meuh chuan an lai zo vet a mai a ni.
Kum 1956 ah Dawrpui Kohhran atangin Dawrpui Vengthar Kohhran a indang a,Kohhran hruaitu tur te a ruatsak nghal a,chung an mi ruat te chuan,Kohhran indanna sum thehchhuah tur leh Biak In sak phalsak turin Dawrpui Kohhran ah an thlen a ni.Hruaitu tur a ruatsak te chuan Biak In sakna tur thawhlawm te an khawnzui a,Thawhlawm lut hmasa ber chu Pu Rongura te nupa in Rs 50/- an thawh a,Midang thawh nen avaiin Rs 1,402,.13/-(Rs Sangkhat zali pahnih leh anna sawmpathum) a ni a,Hei hian Biak in dung feet 31,a vang feet 20 a lian an sa thei tan ta a ni.ungrual takin tha leh sum thawh zui zelin a chung khuh theihin an peih ta a.Thawhlawm a awmthei ta silo,harsatna an tawkin an mangang ta hle mai a,Mahse,Pu Khawpuia’n tlawmngai neitu chan changin Biak In chung chu Rs 1200/- chawiin a khuh ta a,an sak tan kum vek ah luah theihin an peih ta a ni.
Thawh tur la tam mahse, an hah tawh avangin kum khat(1957) chhung an chawl a,Kum 1958 january leh February chhung, in tinah Biak In sakna thawhlawm an khawn a,Thla thar chawlhni hmasa ber zan apiangin Biak In sakna thawhlawm khawn thin a ni bawk a,Thla hnih a lo liam chuan Rs 171.80/- an hmu a ,an lawm hle a ni.An thawhlawm tlingkhawm chuan Biak In chhung leh pawn lam la zawh felloh te an thawm tha a,Khawnvar khaina te,khuang dahna tur te,Lehkha tarna te,Pulpit kharna te, an siam a,Laltin an lei bawk a, Kum 1960 a lo nih meuh chuan an sa zo ta a,hlim takin an luah thei ta a ni.
(pic1)-Biak In Pakhatna-a Innei hmasa te, Inneih inkhawm thlalak,(Pic2) Biak In a Innei hmasa ber te


Arunachal Pradesh atangin mikhual
Arunachal Pradesh ah hian kan Synod Ramthar lam hian hunrei tawhtak atangin hmalakna an lo nei tawh a,tuna kan han sawitur hi Synod Mission Board lamin Missionary Pastor atan an dah Rev K.Darthanmawia te awmna TATO khua a ni.
TATO Khua hi W.Siang District chhunga awm a ni a.District Capital, ALO atanga chhaklam Km 130 a awm a ni a,Hmun sangtak a awm anih avangin Vur te pawh a tla thin a,A khua ah hian in 300 chuang hret a awm a ni.He Khua hi la Thingtlang ve tak mai leh Nitin eibar zawnna kawngah pawh thil harsatna hmun tak la niin,Tunlai khawvel changkanna tamtak pawh hian ala thlen phaklohna hmun a ni a,He Khua atang hian Mobile Phone takngial pawh la hmantheihloh na hmun ni in,(Wll hmangin PCO pakhat chu a awmve a ni awm e)Thildang ei leh intur leh Dammawh hritlan thu hla ah pawh,thil harsatna leh buaitheihna tak khua a ni.Kohhran lamah Kan unau Roman Catholic,Adi Baptist, UPC,ten Missionary neiin an awmchilh ve bawk a,Tunah hian Presbyterian Church of India,Mizoram Synod hnuaiah Rev K.Darthanmawia leh a nupui Lalhruaitluangi Hnamte (Kuri) te nupa,an fate naupang pahnih nen awmin,Missionary, Patea(A hmingpum hriatloh) ten,Pathian leh Kan Kohhran(Presbyterian) Ramzau zel nan an thawk mek a ni.
EXCURSION TEAM
TATO Pastor Bial-a thawktu,Pastor leh Missionary ten Nikum(2010) atang khan an ringthar, an thalai rual te Mizorama lo hruai hi Project ah an nei aA duh a piangten Rs 5000 Deposit in Mizoram ah alo kal theih an ti a,Mahse antan thil namai a nisi lo a,Rs 3000 ah tihhniam sakin hawlam chu Rinna in Pathian beisei ang u ti in,13th May, khan anmahni Khua theuh atangin District Capital ALO hmun chu an pankhawm a,Mi 18 leh anmahni hruaitu mi 3 (an vaiin 21) Mizoram lampanin anlo kalchhuak a,Anlo kalchhan ber chu Mizoram Kristian Ramah Ringtute chevel leh Kohhran kalphung te zirchiang a,An thlarau nun tichak turin beiseina sangtak neiin an lokal ta a ni.
Tichuan, 16th May,Tlailam Dar 3 vel khan Mizoram lo lutin Dawrpui Vengthar Presbyterian Kohhran biakin ah an innghat a,Dawrpui Vengthar Ktp lampawh lo inbuatsaihin anlo hmuak a, An riahna tur leh an chaw eina tur te tifelin Kohhran chhungkaw thenkhat hnen ah an thlengdarh ta a ni.Dt 16th May(Thawhtanni) anlo thlen zan hian Dawrpui Vengthar KTP inkhawm ah tel nghalin,17thMay ah,Mission vengthlangah,18th may(Nilai Zan)Govt Complex ah,May Ni 20(Friday) ah anmahni rawn hruaitu Missionary te inah Zanriah kil in ,hla te zirin hun an hmang a,21st may (Inrinni)Zan ah Zarkawt Kohhran ah kal in,22nd May(Sunday Zing)ah Chanmari Kohhran ah kalin,Chawhnu lamah Ramhlun venglai ah leh Zan inkhawm ah an thlennna veng Dawrpui Vengthar Kohhran ah hun an hmang veleh a ,23 May(Thawhtan) ah Hunthar Veng KTP te nen hun hmangin,24th (thawhleh zan) ah Govt Complex Kohhran in hun pumpui chantirin hun an hmanpui leh a ni.
'Sunday zan a kan biakin ah hun an hmang lai' ' An haw dawn zan'
Aizawl a an chamchhung hian an beisei phak bakin Kohhran chhungkua leh Mitin te an chungah an tha a,an kalna/an tlawh Kohhran leh KTP Branch leh mimal thahnem ngaiin,tanpuina thahnem tak anlo pe a,Heng tanpuina an dawn avang te hian,anlokalna tura Rs 3000 theuh an thawhkhawm pawh kha hman ngailo in an hmulet leh vek thei dawn bawk a ni.Tin,Aizawl a an cham chhung hian Mizoram Governor leh Minister thenkhat te pawh hmu in, inkawmna hun thatak annei thei a,an lawmna a thuahhnih hle bawk a ni,Tin,Dawrpui Vengthar Kohhran anmahni lo thlengtu Kohhran Nu leh Pa thalai te chungah an lawm hle a ni.
Anni zingah hian Damlo Zai ngai leh Hrisellohna kawng hrang hrang nei te pawh awmin an thlenin te leh mithahnem ngaiten Damdawiin ah anmahni sum seng in an hruai bawk a, Dawrpui Vengthar Kohhran,khawtlang nu leh pa,thalaite inpekna te leh Bial/Veng pawnlam Kohhran thenkhat ten sumfaiin nasa takin anlo puihna te zawng zawng ah pawh,Dawrpui Vengthar KTP te chuan Lawmthu a sawi Bawk a ni.An chenna ramlam pan turin Dt 25.5.2010 Chawhnu dar 2 khan an haw leh ta a,Kan ringthar nula rual khan Zoram Kristiante/Thalaite engangin nge min rawn hmuh a,Keimahni ah Isua Krista hmel an hmu em ! tih inzawt fo in, i tawngtaipui thin ang u.
INNEI
Dawrpui Vengthar Branch KTP Member Lalchhanhima s/0 Pu C.Vanlalkunga leh Lalmalsawmi Hnamte d/o Kawthanpuia Dawrpui Vengthar te chuan Ni 17.5.2011 (Thawhlehni) chhun Dar 1 kha Dawrpui Vengthar Kohhran Biakin ah Pathian leh Kohhran hma ah Inneihna thu an tiam ta.
Moneitu Lalchhanhima(chhana) hi Ktp Committee member ni in,Ktp leh Kohhran ah chanvo hrang hrang a chelh nasa hle a,Sunday School Zirtirtu,leh Kohhran/Ktp hnuai ah Sub Commitee peng hrang hrang ah te chanvo leh mawhphurhna a nei nasa hle a ni. Pathianni a KTP ten chanchinbu kan tih chhuah thin KTP ah hian Editor nilai mek a ni bawk a ni.Chutiang bawk chuan Lalmalsawmi (Ateii) hi Ktp leh Kohhran tana mi tangkai tak ni in,Ktp Committee member,sunday School Zirtirtu leh KTP Chanchinbu Editorial Board member a ni mek bawk a ni.
(Thlalak thenkhat hi chu a thlalak hi click a,tihlen mai chi a ni e)
Ktp Member,Arunachal Pradesh mikhualte,Branch Commitee member
Ktp Rev Thanga Group leh Rev Chhuahkhama Group Committee member-te
'Pathianin a zawmtawh chu Mihringin then suh se'
Chhana leh Ateii te kan lawmpui e.
BIAL ZAIPAWL 2011-2013
Dawrpui Vengthar Pastor Bial Zaipawl 2011-2013 chhunga member turte :
Conductor : Pu Lalhmingliana ,Dinthar
Asst.Conductor : Tv Joseph Lalchhanhima ,Dinthar
Hmeichhia : 1)Nl Lalawmpuii,Dawrpui Vengthar
2)Nl Ruthi Cvl Muanpuii,Dawrpui Vengthar
3)Nl C.Laldinmawii,Dawrpui Vengthar
4)Nl Lalremzuali,Dinthar
5)Nl S.Lalremruati,Dinthar
6)Nl Melody VL Biakdiki,Dinthar
7)Nl K.Lalhmingmawii,Dinthar
8)Nl M.S Dawngzeli,Dinthar Vengthlang
9)Nl K. Malsawmtluangi,Dinthar Vengthlang
10)Nl Vanlalrimawii,Dinthar Vengthlang
11)Nl Lalbiakliani,Dawrpui Vengthar West
12)Nl Ramniengmawii,Dawrpui Vengthar West
Tenor : 1)Tv C. Lalchhuanawma Dawrpui Vengthar
2)Tv Ricky Lalchhandama,Dawrpui Vengthar
3)Tv H.Zosangliana,Dinthar
4)Tv H.Ramdinthara,Dinthar
5)Tv B.Lalhmingtluanga,Dinthar Vengthlang
Bass : 1)Tv R.Lalnunpuia,Dawrpui Vengthar
2)Tv Richard Lalhruaitluanga,Dawrpui Vengthar
3)Tv F.Lalrinzuala Dawrpui Vengthar
4)Tv Lalthlengliana Dinthar
5)Tv R.Lalbiakmawia Dinthar Vengthlang
6)Robert Malsawmtluanga, Dawrpui Vengthar West
Dawrpui Vengthar Pastor Bial Zaipawl te 1May 2011, Pathianni chhun inkhawm ah khan Dawrpui Vengthar west kohhran biakin ah induction Service hman a ni a,Bialtu Pastor,Rev.K Lalhmuchhuaka'n fuihna thuchah a sawi bawk a ni.
INNEI
Kan Branch Ktp hruaitu,Committee member Dr.Lalfamkima s/o Upa Lalkhawhluna Dawrpui Vengthar leh Deborah Thanpuii D/o Rev Dr Zaihmingthanga Khatla veng chuan Nimin Ni 29.4.2011 (Friday) chawhnu Dar 2 khan Dawrpui Vengthar Kohhran Biakin ah Inneihna thu an tiam ta.An ni pahnih hi an lawina kohhran ah pawh Rawngbawltu tangkai tak,Rawngbawlna chanvo leh nihna hrang hrang chelh ve ve an ni . Fka leh Debbie/tete-i te kan lawmpui a,nupa hlimtak ni zel turin duhsakna kan hlan bawk e.
(Br. Comt leh Rev. Saiaithanga Group comt member ten thla an lakpui)
Dawrpui Vengthar Pastor Bial Inkhawmpui
Dawrpui Vengthar Pastor Bial inkhawmpui Vawi 42 na chu Ni 15-17 chhung khan Dawrpui Vengthar Kohhran Biakin ah neih a ni.Thlarau lam thupui atan 'Kohhran,Pathian khawpui' tih hman a ni a,Bialchhung Upa te leh Rawngbawltu ten an insawichhawk thin a ni.Ni 17 Pathianni chhunah Bialtu Pastor K.Lalhmuchhuaka'n Lalpa Zanriah Sakramen a buatsaih bawk a ni.
1)Palai inchhiar na lam :
Dawrpui vengthar
Palai nisa- 8
Palai thlan- 60
Total- 68
Dinthar
Palai ni sa- 10
Palai thlan- 69
Total- 79
Dinthar vengthlang
Palai nisa-6
Palai thlan- 40
Total- 46
Dawrpui Vengthar 'W'
Palai nisa-6
Palai thlan- 29
Total- 35
Bial Puipate 6
Minister/Pastor te -3
TOTAL - 237
2) Kum 2012 chhunga Bial Inkhawmpui neihna tur leh Mawhphur tute :
A hmun : Dinthar Vengthlang
A hun : 20-22 April,2012
Chairman : Upa Lalmalsawma, Dinthar
Secretaries : Upa Khawlrozama (Sr) Dpvt 'w'
: Upa Lalthakima (Jr) Dinthar
Treasurers : Upa JHC Aichhunga,Dawrpui vengthar 'w' (Synod sum 2010-2013)
: Upa PC Mawia,Dinthar Vengthlang (Bial inkhawmpui Sum)
b) Bial Ziaktu dangte:
Bial Sunday School Ziaktu te (2011-2014)-Upa Saichhunga,Dawrpui Vengthar
-T/Upa A.Rozama,Dinthar
Bial buhfaitham ziaktu (2011-2013) - Pi Lalsangliani,Dinthar Vengthlang
A. Bial Committee hrang hrang ruatna :
a) Upa L.H. Rohmingliana, Dawrpui Vengthar
b) Upa Chalzika, Dinthar
c) Upa Hausanga Hauzel, Dinthar Vengthlang
d) Upa Lalbiakmawia, Dawrpui Vengthar West
Ex-Officio Member-te
1. Bialtu Pastor
2. Bial Chairman
3. Bial Secretary
4. Bial Chairman (Elect)
B. BIAL STANDING COMMITTEE
1. Rev. C. Chawngliana, Dawrpui Vengthar
2. Upa Lalkhawhluna, Dawrpui Vengthar
3. Upa V. Thangzama, Dawrpui Vengthar
4. Upa R. Lalliana, Dinthar
5. Upa Dr. H. Vanlalhluna, Dinthar
6. Upa H. Lalhlimthanga, Dinthar
7. Upa Hausanga Hauzel, Dinthar Vengthlang
8. Upa K. Zathuama, Dinthar Vengthlang
9. T/Upa K. Kapthuama, Dinthar Vengthlang
10. Rev. S.R. Lalkailuaia, Dawrpui Vengthar West
11. Upa H.L. Thanseia, Dawrpui Vengthar West
12. T/Upa Pasena Sailo, Dawrpui Vengthar west
13. Upa T. Rohmingliana, Chairman Kalchhuak
14. Upa Lalmalsawma, Chairman Elect
15. Upa Saichhunga, Bial Sunday School Ziaktu
Ex-Officio Member-te
1) Bial Puipate
2) Bialtu Pastor & Pro. Pastor
3) Pastor Special Trainee
C. BIAL FINANCE COMMITTEE
1. Upa C. Thangchhuana, Dawrpui Vengthar
2. Upa Ramhmangaiha Ralte, Dinthar
3. Upa K. Zathuama, Dinthar Vengthlang
4. Upa Lalchhunga, Dawrpui Vengthar West
5. Pi Lalsangliani, Bial Buhfaitham Ziaktu
Ex-Officio
1. Bial Puipate
2. Bialtu Pastor & Pro. Pastor
3. Bial Chairman
4. Pastor Special Trainee
D. BIAL SUNDAY SCHOOL COMMITTEE
1. Upa V. Thangzama, Dawrpui Vengthar
2. T/Upa Laldawngliana, Dawrpui Vengthar
3. Upa H. Lalhlimthanga, Dinthar
4. T/Upa Laltlankima, Dinthar
5. Upa Hausanga Hauzel, Dinthar Vengthlang
6. T/Upa Hmingthanzauva, Dinthar Vengthlang
7. Upa F. Aihnuna, Dawrpui Vengthar West
8. Upa Laltharmawia, Dawrpui Vengthar West
Ex-Officio
1. Bial Puipate
2. Bialtu Pastor & Pro. Pastor
3. Bial Sunday School Ziaktute
4. Pastor Special Trainee
3.FINANCE LAM
1)Bial sum
Sum hmuh zawng zawng - 14,29,208.00
Hman ral zawng zawng - 13,67,018.00
Hman bang - 62,190.00
2)Bial Sum (Synod a lut)
Sum chhunluh zawng zawng - 1,45,95,230.00
Nikuma chhunluh zat - 1,21,29,515.00
Nikum khumna - 24,65,715.00
DZK pakhat thawh zat - 3593.00
4) Khawmpui Rorel kan hriat awm te :
1. ‘Synod Ramthar School te hi mahnia intodelh turin hmalak ni rawh se’ tih hi Presbytery ah kal zel rawh se tih a ni.
2)Kumin 2011 atan hian Presbyterian English Medium tan hian Rs 2,00,000.00 (Cheng nuai hnih) budget siam ni sela, kum dangah erawh chuan Presbyterian English School tan hian Bial Standing-in a tul dan azirin Budget siam rawh se’ tih a ni.
Bial Khawmpui Bulettin : Bial Khawmpui Bulletin
(click to enlarge)
BUL TANNA DIK
Synod Family Guidance & Councelling Centre bul tumin Kohhran hrang hrang te in elna tur Kristian chhungkaw lam hawi Film insiam siak ah kan kohhran Committee in telve tha a ti a,KTP te kutah a dah a,hmalak char char ni in,Pathian hruaina in kan lo peihfel ve ta reng mai.A Film hmingah 'Bul tanna dik' hman a ni a,kan kohhran mi 50 chuangin he film hi an buaipui in, an chang a ni.Nov ni 30 khan FG&CC Mission veng ah thehluh a ni.He Film hlawhtlin nan leh rawngbawlna a ni tih hria a,mahni theihna zawn theuh a, tha leh zung seng te chungah Kristian chhungkaw Film Sub Committee chuan lawmthu a sawi mawlh mawlh a ni.
SUNNA
A CHANCHIN TLANGPUI
Pian Leh Murna : Upa Ng. Lalhmingthanga hiCompounder Lalruma Ngente (L) leh Saichhungi Pachuau fate pali zinga a tlum ber niin December ni 18, 1941 khan Pukpui khuaah a lo piang a.
A Unaute -
1) Lalthansanga(L)
2) Lalneihthangi w/o Upa Lalkhawhluna,
Dawrpui Vengthar
3) Lalhmingliani w/o Upa Chalrobuanga, Pukpui
Kum May ni 28, 1968-ah Zodingliani Khawlhring d/o Upa Laikunga Khawlhring, Serkawn nen inneiin fanu pakhat, Christina Lalchhanhimi (w/o Vanlalruata Pachuau) an nei a. A tu duhawm tak tak pali te chu -
1. Lalawmpuii, (Awmawmi) kum 11
2. Lalchhuansanga, kum 4
3. Lalhruaisangi, kum 3
4. Lalremsanga, Thla 9
Zirna : Kum 1949-ah Pukpuiah Nursery ‘A’ pawl a zir a, kum 1961-ah Lunglei High School atangin Matric Second Division-ah pass-in, hemi hnu hian Imphal-ah Adinjati Technical Institution-ah lutin kum 1961- 64-ah Diploma-in-Engineer (Civil) tha takin a zo a ni.
Eizawnna : December ni 19, 1964 khan SubordinateEngineer, Lunglei Divsion, PWD-ah hna a thawk nghal a. Kum 1973-ah Sub-Divisional Officer-ah kaisangin, Sairang Sub-Division a enkawl a ni. Kum 1975 khan PHE Department-ah lutin Technical Division, Aizawlah a awm a. February ni 19, 1988-ah Executive Engineer-ah a kaisang leh a, April ni 1, 2002 khan pension-in a chawlta a ni.
Khawtlang Rawngbawlna
YMA : Khawtlang rawngbawlna lamah theih tawkin a inhmang thin a, YMA, Dawrpui Vengtharah nihna leh chanvo chelh tawhte -
1) Executive Member : Kum 1985, 1993
2) President : 1986, 1988
3) Senior Adviser : 1995-2000
Sport : Executive Engineer a nih lai atang hian a fanu hming chawiin - Machhani Club, 1985 khan a din a. Volleyball player tha tak tak lakhawmin competition-ah vawi tam tak an champion tawh a. Mizoram pum huapah tum 26-ah Final lutin vawi 21an champion a ni. Mizoram Volleyball Association-ah President leh Vice President a ni tawh a. Volleyball a promote that avangin September ni 16, 1995 khan World Volleyball Centenial Award, ‘Centenary Award for Meritorious Service for the Promotion of Volleyball’ chu India rama Association paruk an pek rualin President, Volleyball Federation of India-in Madras-ah a hlan a ni. Mizoram Basketball Association-ah President a ni tawh bawk a, Tunah hian Dawrpui Vengthar Sporting Club Senior Adviser a ni mek bawk.
Rawngbawlna Lam : Kum 1963 khan Imphal-a lehkha a zir laiin Krista chhandamna a chang a. A zirpuite atanga hriat danin Pianthar Harhna-in Imphal pawh a thleng a, Adinjati Technical Institute zirlaite pawhin chang vein Imphal Mizo Kohhran lamah pawh nasa takin hmasawnna a thlen niin an sawi. Pathian rawngbawl tul tihna a rilruah a lian hle thin. Mahse, a chhungte’n pawisa tam tak senga lehkha an zirtir chu tihthlawn chi niin a hre si lova rilru pangkhing takin sawrkar hna chu a zawm ve ta a ni. Sawrkar hna a thawh avangin Pathian leh kohhran tan a tangkai lo em em niin a inhria a. Rinna lamah chak lo tak ni mahse, Kristaa chhandamna chu a tan chakna a ni tih hi a hria a. A chak loh em em lai pawhin Kristaa piangthar a ni tih hi a inhre reng thin.
Dawrpui Vengthar Kohhrana a awm hma chuan Saron Veng Kohhranah Sunday School naupang leh puitlingah zirtirtu a ni ve thin a, Nilai leh Inrinni zan thusawi rawngbawlna pawh a nei ve hman tawh a ni. Mizoram hmun hrang hranga a insawnna apiangah kohhranin rawngbawl hna an ruatsakah theihtawpin a thawk thin. Dawrpui Vengthara a awm hnu hian puitling leh naupang Sunday School zirtirtuah te, Nilai leh Inrinni zan rawngbawltu te a ni chho a. Building Committee-ah te telin, theih ang tawkin phur takin a thawk ve thin. Sawrkar hna a chawlhsan hnu chuan a tan rawngbawlna zau zawk a inhawng ta a, a phurzawng leh tuizawng a nih avangin nuam ti takin rawng a bawl thin. A hmaa tih tur awm chu rilru leh tihtakzetin hlenchhuah a tum thin a, pakhatna kan ni tur a ni ti tlat mi a ni.
Kum 2006 khan Dawrpui Vengthar Kohhran Committee member atan thlan tlin a ni a. Hemi kum vek hian Kohhran Upa atan thlan a ni leh a. October ni 4, 2007 khan Aizawl West Presbytery, Chawnpui Kohhrana neihah Moderator Upa C. Makliana’n Dawrpui Vengthar Kohhran Upa atan a nemnghet a ni.
Rawngbawlna A Chelh Te
A awmna Kohhranah :
1) Kohhran Secretary 2) Kohhran Finance Committee Secretary 3) Kohhran Sunday School Committee Member 4) Puitling Sunday School Zitirtu 5) Kohhran Ramthar Committee Member 6) Kohhran Masihi Sangati Committee Chairman 7) Kohhran Building Committee Member 9) Thuhriltu - Sunday Chhun leh Zan Inkhawmah.
b) Pastor Bialah :1) Bial Standing Committee Member 2010-2011 2) 2010 Synod Palaia ruat 3) Senior Auditor (April 2009 - March 2010), Bial sum; Bial Kohhran Hmeichhe sum; Bial Masihi Sangati sum; Bial KTP sum 4) Bial Masihi Sangati Committee Member
Rawngbawlna Peng Dang
ZOFISFED-ah Chairman ni lai a ni a, May, 2002 kh^n USA Business Company Sunrider International (Herbal, Nutrition, Cosmetic etc.) chuan stockist atan an rawn ruat bawk. Tunah hian Up to Date Enterprise, Lower Zarkawtah an nei bawk a ni.
Aizawl West Presbytery, 2010
Aizawl West Presbytery Vawi 12-na, October ni 7-10, 2010 chhunga Govt. Complex Kohhrana hman zawh takah kan Kohhran Tual Upa Pu Saichhunga leh Tual Upa C. Thangchhuana te chu Upa atan nemngheh an ni. He Upa Nemngheh Inkhawm, Oct. ni 10 chawhma inkhawma neihah hian Dawrpui Vengthar Pastor Bial Zaipawlte pawhin Pathian Fakna sain hun an hmang bawk.
NPSS Inkhawmpui - 2010
SENIOR DEPT.
Sept. ni 19-a Dawrpui Vengthar Pastor Bial NPSS Senior Dept. Inkhawmpui, Dinthar Kohhranah hman zawh takah Dawrpui Vengthar Kohhran Senior Dept.-te Thu & Hla leh Ztu. & Naupang Attendance intihsiakah pakhatna an ni a, kan lawmpui hle.Fellowship lamah pawh an tih tur angte tha takin an ti thei bawk.