1. Hla nalh sak chang chuan zai pawh a nuam : Kan hla duh em em kan sak chang hi chuan nawn pawh hi kan chak ve thin.Chuti a nih chuan zai tui vak lova kan ngaihte pawh hian hla duhzawng an nei theuh tihna a ni dawn a, an hlasak duh zawng kan ngaihtuah sak dawn tinna emni ni ang?
2. Pathian thlarau changtute chuan enghla pawh tui takin an sa thin : A dikna chen a awm, mahse Kan mihlim tak tak biak in tuala lam thinte hian sap hovin Pathian fak nana an hman thin Rap leh Heavy Metal hla te hi han sukpui dawn ta se an ti thei ang em?An thei lo chiang khawp ang,mahse Pathian thlarau changtute tho an ni a!!
3. Nuam kan tih danin Pathian kan fak : Nuam kan tih dan chauvin Pathian kan fak a ni mai lawng maw?Khuang hnih hi ka tui hlawl lo,beginer kan nih lai khan khuang hnih hlain min zaipui ta char char se tunah pawh zai nuam ka ti khawp ang.Khuang hnih hlaa ka zai tui loh avangin thlarauvah ka awm lo tihna emni ni ang?Nih leh Rock music leh Rap hlaa an lam loh avang khan mihlim ho kha thlarauvah an awmlo tihna emni ni ang?
4. Kan ril rem zawng : Petra lammualah an rawn kal a,thalai tamtak kan pungkhawm. Kha mi tuma kan han lam nasat zia leh kan sapatal nasat zia kha..!!!Lam nasa sawi dawn chuan mihlim ho hlim lutuk tawnghriatloha an zawm ai mahin kan lam nasa a,kan zuang nasa zawk si a.Biak inah pawh hla thothang tha deuh leh sak nuam deuh kan sak chang chuan kan hriat loh laiin kan lo bu ve tlauh tlauh thin.
5. Diverse Generation : Sap tawng ten kan dah ve a,nia .. a nihna takah chuan Mizote hi Generation hrang hranga danglam kan ni a,kan duhzawng leh hla ngainat zawng pawh a inang lo hle.Kan nu leh paten khuang hnih hla an duh a, an ni aia kum 10 vela naupang ten Sofa hla,Hym kan tih ang kha an ngaina a,chutiang zelin keini generation hian Rock leh Classic Rock kan ngaina, keini aia la naupang zawkte chuan Punk, R&B, hiphop etc, an ngaina bawk a.Kan music ngainat zawng hi a danglam nasa lutuk. Hei hian Kohhran anga a huhova zai tui lohna a thleng niin ka hria.
Khuang hnih hlaa zai tuilote kha thlarau lo leh Pathian fak chak lova kan puh vek dawn chuan a dik lovang,kan lamna leh kan buk pui suau suauna Pathian hlate hi an bukpui theih ve loh chuan keini atang pawhin thlarauva awm lo leh Pathian fak chak lo an ni ve thei tho. A tawp berah chuan Kristian tu pawhin Pathain fak an chak a,kan hla duh zawng leh mahni taksa milpuiin kan fak ni maiah ka ngai.Hei hi Kohhran hian a hriat thiam em em hunah chuan tun ai hian inkhawm kan tha anga, kan pung tual tual ang.
9 comments:
A tha hle mai. Mahse, kei chuan Pathian hian music hman bik a nei em ni chu aw....ka ti deuh. Rap hmanga tui taka Pathian fak chu a har ngawt ang. Heavy metal leh alternative rock music kan tih hmanga Pathian fak pawh hian a ram a zauh em em kher lo mai thei. Kan culture azirin a thawhna music a dang thei ngawt ang tih erawh ka ring.
Kei pawh ka ngaihtuah neuh neuh thin a, khuang vuak leh vuak loh chungchang ah leh kan tunlai rimawi, kan hawiher hi leh kan kristianna hi.. Kan changkanna leh hma kan sawn nasat vang pawh ani thei ngei ang, kan duhdan leh kan ngaihdan a lo danglam chak em a ni. 'ri thei zawng zawngin amah chu fak rawh u' tih hi awm mahse Rock leh metal, heavy metal hi chu ram changkang zawk pawhin an zo tha thum lo erawh zawng ani e, kan biakin chhung ema, kan put luh hi chu ka mimal ngaihdan ah mai mai chuan ka support lo. Mahse kan tunlai hmasawn zel dan en erawh chuan kan in siamrem ve zel chu a ngai niin ka hria, amaherawhchu, ramri fel tak kan siam erawh a ngai ngei ang. Pianthar avang love song kan han hnualsuat leh hmu sakhi ringawt pawh hi, ngaihtuah tham niin ka hre bawk...Post tha tak ani e
This comment has been removed by the author.
Pathian hian eng music pawh hi a pawm.. mahse chutih laiin lower tunes lam hi chu emotion, vibration nasa tak benga siam thei a nih avang hian setana hian a hmang nasa a, a tune an han herh hniam a, khami emoation nasa tak a awm lai khan thu thalo pui pui hla thuah an telh ta thin a, mahni intihhlum phah an awm ta thin a ni. tichuan... hetiang tune herh hniam hi kristian hlaah pawh a pawina em em kei chuan ka hre lo.. kha emotion a chhuah lai khan Pathian thu kha han zep ve mai ila, tichuan nasa takin Thlarau thianghlim a che ve mai turah ka ngai :D
Tichuan...Rap hi ka ngainat loh ber pawh a ni ve tlat.. Hiphop nen.. Comtemporary rock hi ka ngaithla nasa.. Hard Rock leh Opera rock fusion nen :) Mahse Rap leh Hiphop hi Pathian in a hmang nasa khawp mai.. Toby mac te leh Group 1 Crew te Pathian in a hman dan hi in lo chhiar ve thin dawn nia.
Mizo ah hi chuan kan hnam kalphung leh kan hnam hla timai ang, khuang hnih zai hian min pawl ber..Mahse hei hi kan chhunzawm lohva, kan thalai te hnena music dang kan chawk luh hnem lutuk chuan Diverse Generation a rawn chhuak mai dawn Mizo thalaiteah hian..A thenin western music an ngaina anga, athenin Indian Music.. chutiang zelin.. Chutah tak chuan kan nu leh pa leh ute kha an lo pawimawh a ni. Kei chu tunah chuan Rock influence ka ni reng tawh :D
A tawp berah chuan Kristian ten eng music nge kan ngaihthlak ang tih hi in lo chhiar ve dawn nia..
http://digimalt.blogspot.com/2010/04/kristian-ten-eng-music-nge-kan_23.html
Digimalt..i va beisei hman pek veee..:D a lawmawm hlee mai..a bengvar thlak leh pek...ngaihdan in anglo nuaih hian a nuam..Mimi Lrs-i Comment nghak leh tengss..trentreenn :D
Hetiang te hi han ngaithla ula :D
http://www.youtube.com/watch?v=WdMo0rOt2Kk&ob=av2e
This comment has been removed by the author.
Rock music te hi Biak Inah kan lalut ang..kan ti reng reng hlei nem.. A hun leh a hmun hi mipangai chuan sawi kher ngai lovin an hriaah ka ngai. Biak in puiah chuan hla zahawm tak leh tuna kan tih dan ang hian tih zel a tha ka ti.. mahse outdoor/concert leh thalai a za tawk lek ho bula rawng bawl dawn chuan anhriatthiam zawng leh an tuin zawnga rawng bawl a tha khawp ang.
Kan culture ah chuan ka soi lo anga,mase hnam dang(Sap) kan tih te ah hi chuan Pathian hian a ropuina hi music genre hrang² hmang hian a lo puang ve thin a,mi tam takin amah an rin phah fo bok....GOD channel te hi han en tam ve deuh ila kan hmu thei theuh om e....chumi piah lamah chuan kan rawngbawl dan hi a inang vek lova...a thenah phy chuan Music ro2 ah poh music inanglo,mase a ropuina tilang tu tam tak hi a lo awm ve teuh tho my...
A tawp ber atan chuan Kan biak in chhung ah hi chuan khuangpui nen ngata han xai hi chu a nuam berin ka la hre ve tlat my a....
Post a Comment