.

Branch Ktp Sports 2012

Dawrpui Vengthar Branch Ktp Sports 2012 chu 8.5.2012 (Thawhleh zan) Dar 7 khan Gospel Centenary Hall-ah ropui takin Branch Leader Pu Benjamin Lalhruaitluanga'n a hawng ta.

He hunah hian Group Pali (4)-a Leader te theuhin Oathtaking neiin bul an tan a,in elna hrang hrang,Treasure hunt, Insawitheihsiak/inhrosak,Eating competition leh Games ten a zui nghal a, nuam kan ti in kan hlimtlang hle a ni.Sports hi la neih chhoh zel tur a ni.Tan hun apiang in Group member inchhiarna neih nghal thin tur a ni a,sports item pakhat a hman nghal tur a ni.

Sports kan neih tawh ah Group hrang hrang te Point hmuhdan hetiang hi a ni e.

Rev. LIANGKHAIA-34 Pts
Rev.SAIAITHANGA-26 pts
Rev.CHHUAHKHAMA-24 Pts
Rev.THANGA-15 Pts.

8.5.2012(Thawhleh zan) @ Centenary Hall

NB: Rokhawlhna a awm a nihloh chuan Ni 15.5.2012(Tuesday) zan hian Govt Middle School Dawrpui Vengthar-kawtah Basketball leh Item chi hrang hrang hmangin Sports chhunzawm leh tur a ni.

Dawrpui Vengthar Br. KTP-a Group-te chuan sum tuaknan March ni 24, 2012 (Inrinni) khan Lengpui kai (Zothana Picnic Spot)-ah a huhovin blanket an su a. Pathian kaihhruaina hnuaiah tluang tak leh hlim takin hun an hmang thei a, Branch hruaitute nen he hunah hian mi 60 vel an thawkchuak a, blanket 209 lai an su.

Blanket suk hlawhtlin nana tha thawhtu zawng zawng te, motor leh hmanrua/bungrua thawhtu te, blanket suk tirtu te, a phonana an in phal taka hmantirtute chungah lawmthu kan sawi e.

KTP Chanchinbu Silver Jubilee

Dawrpui Vengthar Branch KTP Chanchinbu 'KTP' Silver Jubilee (1987-2012) lawmna Programme chu March ni 19, 2012 (Thawhtan) zan khan Kohhran Gospel Centenary Hall-ah hman a ni.
Lawmna Prog. hi Pu Sanghmingthanga, Br. Fin. Secy-in kaihruaiin Nl. Lalbiakliani- Jt. Editor/Secretary, CCB Sub-Comt. in tanna hun a hmang a, Upa Lalbiakmawia-KTP Chanchinbu Editor hmasaber hnen atangin thusawi/thuchah ngaihthlak a ni a, Editor lo ni tawh thenkhatte'n thu ngaihnawm tak tak an sawi hlawm bawk. Nl. Zohmangaihi leh Vl. Baby Malsawmtluangi te hnen atangin PathianFakna Hla mawi tak kan ngaithla a.

Bialtu Pastor, Pastor K. Lalhmuchhuaka'n Chanchinbu Souvenir a tlangzarh a. Pu Zohmingliana- CKTP Asst. Leader kalchhuakin Editor lo ni tawh zawng zawngte hnenah Chawimawina Thilpek leh Souvenir a hlan a. Tv. Lalfakawma-Br. Asst. Leader-in SilverJubilee puala Article (Thalaite leh Tunlai Khawvel) inziahsiaka ti tha pathumte hnenah lawmman a hlan a. Kohhran Committee Member-te leh Kohhran Hmeichhe Comt. Member, he hun min rawn hmanpuitute hnenah Souvenir hlan a ni bawk.
Chanchinbu Chairman ni lai- Pu R. Laltlanfela, Br. Asst. Secy. hnen atangin report ngaihthlak a ni a, Editor ni lai Pu Lalchhanhima, Br. Comt. Member hnen atangin Lawmthu kan ngaithla bawk.
Inkhawm banah inkhawm zawng zawngte'n Jubilee lawmna thingpui kan in hova. KTP Chanchinbu chhutna atana hman thin typewriter leh CCB hluite bakah Editor lo ni tawhte thlalak phochhuah chu member-te'n an hlut tlang hle.
Article inziahsiaka lawmman late:
1-na: Tv. R. Lalnunpuia (Rs. 2000)
2-na: Tv. C. Lalchhuanawma (Rs. 1500)
3-na: Nl. C. Laldinmawii (Rs. 1000)

Editor lo ni tawhte:

(L-R): 1. Pu John Zorammawia 2. Pu R. Laltlanfela 3. Pu David Lalnunfela 4. Pu Lalchhanhima 5. Pu H. Khaizasiama 6. Pu Benjamin Lalrintluanga 7. Upa Lalbiakmawia 8. Tv. Lalmuanpuia Hnamte 9. Pu Vanlalhruaia
(Lang ve lote: 1. Nl. C. Lalengmawii (L) 2. Upa A. S. Thanga 3. Pu P. B. Lianzama 3. Tv. Lalsangzuala Ralte 4. Pu Zoramthanga (Mathanga)

Branch KTP Comt. Member-te leh Editor lo ni tawhte

TAIWAN thalai te'n kan branch min rawn tlawh

KTP General Conference hmang a Taiwan thalai lo zin(mi 5) te chuan, Ni 5.3.2012 (Thawhtan) zan thalai inkhawmah kan branch min rawn tlawh a, hun hlimawm tak kan hmang ho a ni. Tlai lamah Branch Committee member te'n Gospel Centenary Hall-ah chawhlui kilpui in, zanah Thalai inkhawmah telin kan Branch Asst Leader Tv Lalfakawma'n inkhawm kaihruaiin, Special Item- Female Voice leh Musical Band kan ngaithla a, kan Branch Leader Pu Benjamin Lalrintluanga'n branch aiawhin thilpek a hlan a, an ni lam atang hian Action Song leh zai mawi tak kan thlirin kan ngaithlak bakah thilpek min hlan ve bawk. He hunah hian kan kohhran upa leh hmeichhe lam hruaitu te,kohhran mipui kan nu leh pa thenkhat ten min telpui bawk a ni.

(Click to enlarge)