Blanket suk hlawhtlin nana tha thawhtu zawng zawng te, motor leh hmanrua/bungrua thawhtu te, blanket suk tirtu te, a phonana an in phal taka hmantirtute chungah lawmthu kan sawi e.
Blanket suk hnatlang
Blanket suk hlawhtlin nana tha thawhtu zawng zawng te, motor leh hmanrua/bungrua thawhtu te, blanket suk tirtu te, a phonana an in phal taka hmantirtute chungah lawmthu kan sawi e.
KTP Chanchinbu Silver Jubilee
Dawrpui Vengthar Branch KTP Chanchinbu 'KTP' Silver Jubilee (1987-2012) lawmna Programme chu March ni 19, 2012 (Thawhtan) zan khan Kohhran Gospel Centenary Hall-ah hman a ni.
Lawmna Prog. hi Pu Sanghmingthanga, Br. Fin. Secy-in kaihruaiin Nl. Lalbiakliani- Jt. Editor/Secretary, CCB Sub-Comt. in tanna hun a hmang a, Upa Lalbiakmawia-KTP Chanchinbu Editor hmasaber hnen atangin thusawi/thuchah ngaihthlak a ni a, Editor lo ni tawh thenkhatte'n thu ngaihnawm tak tak an sawi hlawm bawk. Nl. Zohmangaihi leh Vl. Baby Malsawmtluangi te hnen atangin PathianFakna Hla mawi tak kan ngaithla a.
Bialtu Pastor, Pastor K. Lalhmuchhuaka'n Chanchinbu Souvenir a tlangzarh a. Pu Zohmingliana- CKTP Asst. Leader kalchhuakin Editor lo ni tawh zawng zawngte hnenah Chawimawina Thilpek leh Souvenir a hlan a. Tv. Lalfakawma-Br. Asst. Leader-in SilverJubilee puala Article (Thalaite leh Tunlai Khawvel) inziahsiaka ti tha pathumte hnenah lawmman a hlan a. Kohhran Committee Member-te leh Kohhran Hmeichhe Comt. Member, he hun min rawn hmanpuitute hnenah Souvenir hlan a ni bawk.
Chanchinbu Chairman ni lai- Pu R. Laltlanfela, Br. Asst. Secy. hnen atangin report ngaihthlak a ni a, Editor ni lai Pu Lalchhanhima, Br. Comt. Member hnen atangin Lawmthu kan ngaithla bawk.
Inkhawm banah inkhawm zawng zawngte'n Jubilee lawmna thingpui kan in hova. KTP Chanchinbu chhutna atana hman thin typewriter leh CCB hluite bakah Editor lo ni tawhte thlalak phochhuah chu member-te'n an hlut tlang hle.
Article inziahsiaka lawmman late:
1-na: Tv. R. Lalnunpuia (Rs. 2000)
2-na: Tv. C. Lalchhuanawma (Rs. 1500)
3-na: Nl. C. Laldinmawii (Rs. 1000)
Editor lo ni tawhte:
(L-R): 1. Pu John Zorammawia 2. Pu R. Laltlanfela 3. Pu David Lalnunfela 4. Pu Lalchhanhima 5. Pu H. Khaizasiama 6. Pu Benjamin Lalrintluanga 7. Upa Lalbiakmawia 8. Tv. Lalmuanpuia Hnamte 9. Pu Vanlalhruaia
(Lang ve lote: 1. Nl. C. Lalengmawii (L) 2. Upa A. S. Thanga 3. Pu P. B. Lianzama 3. Tv. Lalsangzuala Ralte 4. Pu Zoramthanga (Mathanga)
Branch KTP Comt. Member-te leh Editor lo ni tawhte
TAIWAN thalai te'n kan branch min rawn tlawh
KTP General Conference hmang a Taiwan thalai lo zin(mi 5) te chuan, Ni 5.3.2012 (Thawhtan) zan thalai inkhawmah kan branch min rawn tlawh a, hun hlimawm tak kan hmang ho a ni. Tlai lamah Branch Committee member te'n Gospel Centenary Hall-ah chawhlui kilpui in, zanah Thalai inkhawmah telin kan Branch Asst Leader Tv Lalfakawma'n inkhawm kaihruaiin, Special Item- Female Voice leh Musical Band kan ngaithla a, kan Branch Leader Pu Benjamin Lalrintluanga'n branch aiawhin thilpek a hlan a, an ni lam atang hian Action Song leh zai mawi tak kan thlirin kan ngaithlak bakah thilpek min hlan ve bawk. He hunah hian kan kohhran upa leh hmeichhe lam hruaitu te,kohhran mipui kan nu leh pa thenkhat ten min telpui bawk a ni.
(Click to enlarge)
KTP GENERAL CONFERENCE, 2012 (UPDATED)
Mizorama Thalai Inkhawmpui lian ber Kristian Thalai Pawl (KTP) General Conference vawi 54-na, Thenzawla nghah chu nizan atang khan tan a ni ta. Conference hian March 4 (Pathianni) zan thleng a awh ang.
KTP General Conference vawi 54-naah hian thupuiah ‘Isua Krista - Khawvel mamawh chhanna’ tih hman a ni a, speaker atan Rev. C. Lalsangliana an hmang ang.
Inkhawmpui tan hma ni, March 29 zan khan khawchhung Biak In te kharin pandal hlanna inkhawm neih a lo ni tawh a, nizan (March 1) khan Palai lawm inkhawm neih a ni. Palai lawm inkhawm hi Central KTP Leader Rev. K. Lalpiangtharan a kaihruai a, Synod Moderator Rev. Thangzauvan Pathian thuchah a sawi. Rev. Zosangliana Colney, Executive Secretary i/c KTP chuan KTP Kum Puan 2012 -2013 a hawng a. Kum 1987 atang khan (kum 1999 tih lohah) KTP chuan thupui bik neiin Kum Puan hi a lo nei chho tawh thin a. Kum 24 chhungin thupui chi hrang hrang 16 an nei tawh a. Tuna mi “LAL ISUA NEN” tih hi kum 2011-a KTP Rorel Inkhawm, Bethlehem Kohhran Biak Ina neih tuma thlan a ni a, thupui 17-na tur a ni.
Kum Puan thupui hi thla 2 dana zir turin thupui 6-ah thensawm leh a ni a. Chungte chu:
| 1. | Isua hi tunge? (April & May) |
| 2. | Isua nen – Inlaichinnaah (June & July) |
| 3. | Isua nen – Tunlai khawvelah (August & September) |
| 4. | Isua nen – Rawngbawlnaah (October & November) |
| 5. | Khawiah pawh Isua nen (December & January) |
| 6. | Lal Isua tel lo chuan (February & March) |
Rev. Zosangliana Colney hian kumpuan thupui hmanga film siam - ‘Lal Isua Nen’ tih Dinthar Branch , Aizawl chan chu tlangzarh nghalin Pathian hnenah a hlan a ni. Mizoram Synod Choir, Vaivakawn Bial, Kawnpui Bial, Lawngtlai Bial leh N. Vanlaiphai Damdawi Veng Bial Zaipawlten hla an rem bawk.
Vawiin (March 2) hian zing dar 7:00-ah Hruaitu thar thlan a ni a, Rev. Thangzauva, Synod Moderator-in a kaihruai a ni. Chawhma dar 10:00-ah Rawngbawlna Report inkhawm neih a ni a, Tv. VL Muanchhana, Committee Member-in inkhawm a kaihruai a, Upa Lalrinmuana, General Secretary hnen atangin Reports ngaihthlak a ni a, Finance Reports leh Bial Reports Khaikhawmna-in a zui bawk. Bial Zaipawl pali - Tanhril Bial, Sihphir Bial, Mualpheng Bial leh Darlawn Bial Zaipawlte an zai bawk. Chawhma inkhawmah hian palai 9032 an inkhawm a ni.
Chawhnu dar 1:30-ah khan Thenzawl Vengthlang Kohhran Biak Inah Rorel Inkhawm neih a ni a. Rev. K. Lalpiangthara, Leader-in inkhawm a kaihruai a. Rorel hlan hian Pandal-ah Zaikhawmpui Programme neih a ni a, Pastor H.T. Ziona, Thenzawl Bial vawngtuin a kaihruai a, Missionary challenge tih thupui hmangin Rev. PC Lalbiaktluanga, Thenzawl Field Veng Bial vawngtuin thu (Missionary Challenge) a sawi.
Naktuk March 3 (Inrinni) chawhmaah Variety Programme neih a ni ang a, Tv. Vanlalhruaia, Committee Member-in a kaihruai ang. Variety Programme-ah hian special Item 12 neih tura ruahman a ni. Chawhnu dar 1:30-ah Multiplex Programme hman a ni dawn a, thupui hrang hrang neiin hmun hrang hrangah thu zirhona neih a ni dawn a ni.
Group No I-in Joint YMA Hall-ah an hmang ang a, T.Upa Dr. Samuel Vanlalthlanga, Committee Member-in a kaihruai ang. ‘Rawngbawlna leh Sports’ tih thupui hmangin Pu Lalnghinglova Hmar, Aizawl Venglai-in thu a sawi ang. Group No II-in Thenzawl Vengthlang Kohhran Biak In-ah an hmang ang a, Pu Lalmuanpuia, Asst. Coordinator-in a kaihruai ang. ‘Sound System Chungchang’ thupuia hmangin Pu Vanlalpeka, Chanmari-in thu a sawi ang. Group No III-in Tualvungi Hall-ah an hmang ang a, Pu Larohlua, Committee Member-in a kaihruai ang a, ‘Rawngbawlna leh ICT’ tih thupui hmangin Tv. Lalengzuala, Republic Vengthlang-in thu a sawi ang.Zan dar 7:00-ah Pathian Biak Inkhawm a awm ang a, Pu H. Liantluanga, Committee Member-in a kaihruai ang. Hemi hun atang hian Inkhawmpui Thupui ‘Isua Krista - Khawvel Mamawh Chhanna’ tih chu Rev. C. Lalsangliana, Speaker-in a sawi tan dawn a ni. He inkhawmah hian Mizoram Synod Choir, Khawzawl Vengthar Bial, NE Khawdungsei Bial, Lungmual Bial leh Venghlui Bial zaipawlte an zai ang.
Inkhawm ban Fellowship chu T. Upa Lalramdina Ralte, Committee Member-in a kaihruai ang a, ‘Krista Chanchintha puandarh’ tih thupui hmangin T. Upa Lallianmawia, Committee Member-in thu a sawi ang a, Special Items - Duet - Dawrpui Bial, Skit - Bilkhawthlir Bial, Group Singing - Hlimen Bial, Drama - Chaltlang Bial, Recitation - Phullen Bial, Solo - Darlung Bial.
March 4 (Pathianni) chawhma dar 10:00-ah Pathian Biak Inkhawm a awm leh ang a, Pu Vanlalfinga, Finance Secretary-in a kaihruai ang. Rev. C. Lalsangliana, Speaker-in thupui a sawi leh ang a, Mizoram Synod Choir, Presbyterian Choir, Lunglei, Republic Veng Bial, E. Lungdar Bial leh Aibawk Bial zaipawlte an zai ang.Chhun dar 1:30-ah Pathian Biak Inkhawm a awm leh ang a, Pu Lalmuanawma, Treasurer-in a kaihruai ang. Speaker-in thupui a sawi leh ang a, Mizoram Synod Choir, Zemabawk Bial, Ramhlun Bial, Sairang Bial leh Thenzawl Bial zaipawlte an zai ang.
Zan dar 7:00-ah Pathian Biak Inkhawm neih a ni leh ang a, Pu Zohmingliana, Assistant Leader-in a kaihruai ang. Rev. K. Lalpiangthara, Leader kalchhuakin thu a sawi ang a, Mizoram Synod Choir, Venghnuai Bial, Thenzawl Field Veng Bial, Khawlailung Dinthar Bial leh Champhai Vengthlang Bial zaipawlte an zai ang.
Inkhawm ban Fellowship chu Pu Pu Lalnghinglova Hauzel, Committee Member-in a kaihruai ang a, Special Items- Female Voice- Leitan Bial, Acappella- Champhai Kahrawt Bial, Skit- Lungdai Bial, Solo- Suangpuilawn Bial, Musical Drama- Kulikawn Bial leh Trio- Tv. Robert Lalduhzuala, Tv. Vanlalsailova, Pu Joseph Zaihmingthanga.
| Bial KTP Report Khaikhawmna | ||
| Bial dinhmun tlangpui: | ||
| 1. | Bial awm zat | 164 (Report lut zat 164) |
| 2. | Member tamna Bial 3 | |
| 1) Chanmari Bial | 2687 | |
| 2) Chaltlang Bial | 2269 | |
| 3) Ramhlun ‘N’ Bial | 2162 | |
| 3. | Member tlemna Bial 3 | |
| 1) Buarpui Bial | 62 | |
| 2) Lungsen Bial | 97 | |
| 3) Marpara Ramthar Bial | 98 | |
| 4. | Branch awm zat | 782 |
| 1) Mizoram chhung | 737 | |
| 2) Mizoram pawn | 45 | |
| 5. | Member awm zat | 128116 (Mipa - 80800; Hmeichhia - 47316) |
| 6. | Member tamna Branch 3 | |
| 1) Mission Veng Branch | 1330 | |
| 2) Chanmari ‘W’ Branch | 1268 | |
| 3) Chanmari Branch | 1124 | |
| 7. | Member thi zat | 371 (Mipa - 335; Hmeichhia - 36) |
| * Member thi awm miah lohna bial 34 an awm | ||
| 8. | Nupui/pasal nei zawng zawng | 4554 |
| 1) Biak In-a innei zat | 1845 | |
| 2) Hmun danga innei zat | 2709 | |
| 9. | Hmundanga innei awm lohna Bial | Marpara Ramthar Bial |
| 10. | Hmun danga innei aia Biak Ina innei tam zawkna Bial 29 an awm | |
| 11. | Bial hminga missionary chawm zat | 258 |
| 12. | Branch-in missionary a chawm zat | 1100.9 |
| 13. | Ram puma Thawhtan zan inkhawm zat percentage | 27.48% |
| 14. | Member inkhawm thatna Bial 3-te : | |
| 1) Guwahati Bial | 59.40 | |
| 2) Kohima Bial | 55.64 | |
| 3) Damparengpui Bial | 49.40 | |
CKTP hruaitu thlan tharte (2012 - 2014) :
1. T.Upa Lalramdina Ralte, Armed Veng Bial
2. Tv. R.Lalramnghaka, Bawngkawn Bial
3. Tual Upa Lalremsiana, Bethlehem Bial
4. Dr. H. Lalthanzara, Bungkawn Bial
5. Pu Saizamliana Sailo, Chaltlang Bial
6. T.Upa Zothangzuala Chhangte, Chanmari Bial
7. Tv. R. Lalruatkima, Dawrpui Bial
8. Dr. Lalliansanga, Durtlang Bial
9. Pu Samuel Laldingliana, Electric Veng Bial
10. Pu Zohmangaiha, Khatla Bial
11. Pu Lalmuanpuia Hrahsel, Kulikawn Bial
12. Dr. Samuel Vanlalthlanga, Luangmual Bial
13. Tv. V.L. Muanchhana, Mission Veng Bial
14. Tv. Vanlalhruaia, Mission Vengthlang Bial
15. Tual Upa Lalhruaizela, Ramhlun North Bial
16. Pu R. Lalhmingthanga, Republic Veng Bial
17. Pu Lalnghinglova Hauzel, Venghlui Bial
18. Dr. Julie Remsangpuii, Zonuam Bial
Hruaitu thlan tharte hi March 4 (Pathianni) tlaiah chanvo insiamrem a ni ang a, zan inkhawmah Hruaitu tharte hlanna neih a ni ang.
