Nov 21,2011 (Thawhtan) zan Ktp inkhawm ah Mizoram Synod Choir te chuan Dawrpui Vengthar Branch Ktp te min rawn tlawh thei hlauh mai a,Ktp member ten nuam kan ti in hlawkthlak kan ti hle a ni.Anni hnen a tang hian Fakna hla 8(Pariat) kan ngaithla a,Rawngbawlna report leh Pathian thuchah tawi Conductor Pu Lalbiakthanga hnen atangin kan ngaithla bawk.He hun ah hian Ktp member te mai bakah kan veng/kohhran atanga Synod choir atanga lo tel tawh te, kohhran committee member thenkhat te leh kohhran mipui kan tel a ni.
Synod Choir rawngbawlna hi kan ngaihlu in kan chhuang em em a ni.
Synod Choir an lo kal
Nepal zin report
Dawrpui Vengthar Branch Ktp in, kum 2011 Project pakhat atan ‘Ramthar zin’a rel a.Kan hruaitu leh member ten chak tak a bawhzui in,Kan kohhran atanga Missionary chhuak,kum 10 chuang thawk tawh Pu P.Thansiama Pokhara,Nepal-a thawk mek leh tun hnai a Dawrpui Vengthar Pastor Bial a Pro Pastor a rawn awm,tuna Pastor lo ni ta Rev.R.Lalrinliana Bharatpur,Nepal-a thawk te chu tlawh tur in kan in buatsaih a,tih hlawhtlin a lo ni ta a ni.Mi 17 Nepal ah kan zin a,kan zinkawng leh kan hun hmandan thenkhat kan han tarlang a nge.
Aizawl atangin Guwahati ah..
Nov ni 26,2011 zing dar 8:10 ah ah kan Bialtu Pastor,Rev K.Lalhmuchhuaka’n tawngtai in min thlah zo a,Sumo ah kan lut a kan tlanchhuak ta,Bualpui ah tukthuan ei tum a kan han in buatsaih lai chuan phone a lo ri ral ral a, Kan Br Secretary Tv.Tete-a Bag Pu Dawnga te kawt ah a lo la in hung ngat a ni awm e! Vairengte ah chhun thingpui in thla leh in,Lailapur kan thleng thla a.Sumo chhung ah kan hlim thla viau a,Kawngchhia erawh duh angin a tlanchak theihloh,Khua a lo thim ta mai a,Meghalaya ram kan lut a Kawngsir ah zunram thiara kan din lawk laiin ek rap kan awm hman pek a,kan rimtui vaklo tan a,Ladrymbai-a chaw ei tum kha Sonapur ah kan ei hman ta hram a,Sonapur atang a kan chhuak chiah kha thenkhat in Shillong kan thleng tawh dawn emaw ti a,an chhungte lo phone tawk te pawh kan awm! Shillong leh Ladrymbai hi a lo in hnaih ta thut emaw dawn ni..! Shillong leh Jowai inkar ah kan han ding leh chu kan Asst leader a zam tan ta! Nepal thlen zawh a in ringlo tan! Mahse,Pathian hruaina in Guwahati chu Nov 27, zing dar 3:15 ah kan thleng a,Mision Compound ah kan in nghat a,Rev Lalhmingmawia'n lawmthusawi tawngtaina min neih sak a,kan intifai a,rei vaklo ah kan mu ta a Chhunlam ah thil buaipui ngai te buaipui in mi thenkhat kan chhuak a,tin,Pi Biakkungi(Biak in hnung) te makpa, Pu H.Tawna te chhung in Lunch min buatsaih sak a,Kan puar in kan tlai khawp mai.Hetih lai hian Tete-a Bag pawh U Chungnungi(OP Travels) te puihna zarah Guwahati a rawn thleng thla ve leh ta bawk a,Zan a ni a.Dar 7 ah Guwahati Pastor in tawngtaina in min thlah a,Auto Rickshaw 4/5 vel hmangin Train Station kan pan phei a,Zan Dar 9:30 ah Siliguri pan in kan chhuak ta a ni.
(1.Zing dar 3 vel ah Guwahati train station 2.Guwahati pastor ten minlo hmuak 3.Pu Tawna te in kawt)
Guwahati atangin New jalpaiguri ah..
Kan Rel chuang tur kan buai zia leh vaiho ninawm zia chu sawitel lo mai ang,Zan dar 11 vel ah Pu Tawna te in a kan ei bang kan chaw fun te rel ah kan thet a,kan eizawh chuan kan mu ta hlawm a,A tuk(Nov 28) zing dar 6 ah New Jalpaiguri(NJP) kan thleng a,NJP atang hian Sumo pahnih kan hire a,nepal ram khaw hmasa ber Kakarvita chu chawl lo in kan pan ta nal nal a,zing dar 8 a lo ni a,nepal ram kan lut ta! Border ah kan Missionary Pu P.Thansiama'n minlo hmuak a, sipai duty te check buai ngai miahlo in Pu Thansiama'n ruahmanna minlo siamsak vek bawk,Kakarvita Mision Compound ah kan in nghat a,Pastor Nghaklianmawia chuan Lawmthusawi tawngtaina min neih sak a,Pastor Nghak-a nupui hi Dawrpui Vengthar Bial zaipawl a hun rei tak tel tawh Janet-i kha a ni nghe nghe a ni.Kan chawl hahdam ta vang vang a.
(1.Zingkar ah Njp train station ah 2.Foreign ah kan awm ta..)
Kakarvita atangin Pokhara ah…
Chaw te kan eifel hnu ah Chhun dar 12 ah,Km 600 chuang Bus a chuang turin Kakarvita a tangin Chhun dar 12 ah Pokhara kan pan ta a ni.Bus ah hian Bus enkawltu mi pali leh Pu P.Thansiama leh a thawhna hmun a ringthar leh thawktu te nula 3/4 vel an rawn tel ve bawk a.Kan tlanchak khawp mai,kawng lakah a khat tawk in zunram thiar in kan ding zeuh zeuh a,zuk leh hmuam a tih theih ta bawk si loh,thenkhat in hreawm kan tuar tan,rei tak kan tlan hnu chuan Bus hnunglam a thu kan nepali nula te leh kan hruaitu thenkhat te chu an thawm a rawn na telh telh,English,Hindi,Nepali tawng inpawlh leh zaizir in an inkawm chho tan ta,an in inkawmngeih ta phian a, Kan tlan rei ngar ngar bawk a, kan hruaitu thenkhat te kawng laka Bus ti ding hreh a,mineral water leh coke bur ruak te pawh zunbur a tan an hmang thiam viau te kan awm lai in hmang ve theilo a hmawr zai zau deuh ngai te pawh kan awm a,a hlimawm takzet a ni.Phai phei deuh vek a ni na chungin Pokhara kan thleng theilo lutuk leh kan tlanrei lutuk kha a mangan thlak duh khawp mai.Vawi tamtak kan mutthluk hnu ah (Nov 29) zing dar 3:30-ah Pokhara chu kan thleng ta,Boruak a dang ta hret a, Khua a lo vawt ta deuh a,kan in nghahfel hnu chuan a tuk inkhawm a awm tih hria in kan mu ta vat hlawm a.
Pokhara chamchhung..
Oct Ni 29(Inrinni) hi Pokhara ah chuan kohhran inkhawm ni a ni a,Biak In riahnan kan hman a vangin Pu Thansiama te kawt ah inkhawmna remchang tak an lo siam a,dar 11 ah inkhawm kan tan a,kan Pual in welcome banner nalh tak mai an lo tar a,a phurawm duh khawp mai.Pokhara Thalai leh naupang ten lam an entir a,keini lam kan zai a,Pathian fakna hla pahnih kan sa a,tin,kan kaihhruaina in kan zavai a pathian faka lam na hun te kan hmang a,nuam an ti ve hle in kan hria.Kan Branch Asst Leader Tv.Lalfakawma’n kan kal chhan a sawi a,introduction pe bawk a,kan branch secretary Tv B.Lalrinawma’n thuchah tawi a sawi bawk a,Pu P.Thansiama’n tawng min lehsak a ni.Programme hlimawm tak kan hmang a,Inkhawm banah Pu P.Thansiama fanu te zawk Pinky-i birthday lawmna kan nei zui a,ruai te kan theh chhunzawm bawk a ni.
A tuk Oct ni 30 zingkar ah Majua-a ringthar hmeithai pakhat Monu Pun-i huanpal leh kawngte, siam tha in,a huan ah lei kan va let bawk a,kan beisei loh lam ah work camp hlawk takin kan hmang a ni. Ani hi an thenawmte Hindu deuh vek annih avangin, an hmusit hle thin a ni awm e,Pi Monu-i pui tur a kan va kal chu a lo lawm hle mai a.a hnuk te pawh a ulh lek lek a ni.Amah kan va tanpui a,kan support tlat a ni tih kan va lantir a, a lo tha khawp mai.Chhun lamah Sighseeing kan nei a,chumi zawh ah ringthar fanu pakhat birthday lawm a ni bawk a,he thil pawh hi sawi teuh tur a awm a tarlan kim vek sen a ni si lo.Hun nei tamlo chung a ringthar te leh kan ringtu pui te in a kan va kal hram thin kha rah tha tak a chhuah kan ring tlat a ni.
(1.Pi Monu-i te in ah hna kan thawk 2.Pratima Birthday kan lawm)
1.Bharatpur pan dawn ni..2.Pokhara ah kan kohhran inkhawm ah kan tel ve..)
Chhun lam a Sightseeing kan neih dan tlem azawng tarlang ila, khualzin ten an tlawh luih luih thin hmun li(4) vel kan tlawh hman a, hun awm tam sela tlawh tur tamtak a la awm a,nikhat ah chuan kan kal vek hman ta lo a ni.Kan damchhung a kan hmuh leh kan kal kan rin phak ngailohna hmun ah kan kal nual mai.Tisa leh thlarau ah hlawkna kan tel ve tlat.Khatiang hmun nuam leh khualzin ramdang atang a khualzin tamtak ten an tlawh thin ah te Pathian in min hruai thleng kha kan vannei kan inti a, hmun dangdai leh mawi tak tak kan hmuh khan Pathian ropui zia kan hmuh fiah belh nasa em em a ni.Phewa Lake ah kan kal a,Dil lai taka Thliarkar chu lawnglengin kan va tlawh bawk.Lawng chuan hlau pawl te pawh kan awm a,kan hlim hle . He dil hi 4.919 kms a thui, 1.881kms a zau, 19.90 meter a thuk ani. Hei bak Devis Fall te, South Asia Puk sei ber an tih Gupteshwor Mahadev Cave te leh International Mountain Museum te kan tlawh bawk.Tin Pokhara khua hual vel tu Mt.Anapurna leh Himalyan tlang Vur in a bawh vo mai te khan Pokhara cham a ti nuam hle mai a,Pathian min hruaina ah lawmthu kan sawi thin a ni.
Sightseeing thlalak te...
Pokhara atangin Bharatpur ah…
Oct 31,chhun dar 12 ah Pokhara atangin Rev.R.Lalrinliana(Rina) thawhna khua Bharatpur kan pan leh ta a,tlai dar 3:30 ah Bharatpur kan thleng a,Rina hian khawdai ah minlo hmuak a,Pastor quarter lam kan phei a,Rina nupui Nuteii leh an fanu Hannah-i te hmel kan hmu a,kan hlimtlang khawp mai.Rina te chhung leh Bharatpur a thawktu dang mizo leh hnamdang awm ten minlo lawm thiam kher mai.Kan in nghah fel hnu chuan Pastor quarter atang a hla vaklo Bharatpur Biak In- ah hnathawh tur awm te leh kan hna a tan a mamawh te lam khawm turin mi thenkhat kan thawkchhuak lehnghal a ni.Tin,Bharatpur Biak In hi Zarkawt Kohhran in an sak a ni bawk a ni.
Bharatpur cham chhung….
Zan lamah programme siamlo in kan awm hahdam a,a tuk Oct ni 1,zingkar hmatak ah tho in Biak in bula Building thar pakhat ah Guest room tur leh Field Secretary office tur Electric wiring,Rawng hnawih leh a tul tul ti turin kan phei leh nghal a, kan bur ta ngar ngar a,chhun dar 12 ah hna kan zo fel a,chawhnu lamah Rina leh Missionary Zote-i te ho in Bharatpur bazar lam ah kan tei chhuak ta a ni.Khawthim hnu ah kan haw khawm leh ta hlawm a, a tuk hi Nepal Field Committee neih ni a lo ni a,Bharatpur Pastor Quarter chu Committee-na tur hmun a lo ni nghe nghe a,Rina te chhungpawh in mikhual an thleng tan ta a,mikhual lo thleng hmasa te nen chuan Rina te Sitting Room-ah chuan zan lamah Pathian faka zaiho na leh sharing hun te kan hmangin zan dar 11 vel thleng hun kan hmang a ni.
(1.Bharatpur khua a lui lian ber Narayani kam ah 2.Rina te in chhung..)
A tuk Oct ni 2,hi kan haw ni tur a ni a,zing dar 9 ah bus pakhat min rawn lam tur a tih a ni a.chumi hma zingkar ah Ganeshthan (Pastor quarter atang a km 4 vel) ah,ke in ringthar ho kan va tlawh kual a,rilru a khawih duh kher mai.Mirethei tak tak,in leh lo tha pawh neilo awmkhawmna a lo ni a,Hindu ho kar ah Kristian in pakhat lek lek hi a lo awm leh zeuh zel a lo ni a,thenkhat phei chu an khawsak a harsat sa tawh tehreng nen kristian an nih a vanga tih duhdahna leh hmusit tuar in hreawm tak in an lo awm a.Hun kan nei tlem si,an kawngka ah kan dak hman tawk hi a ni deuh ber.In pakhat ah mi pakhat zel in tawngtaina hun kan hmang a,In dang ah kal leh zel a lo ngai a,tlema khawsak harsa leh taksa bawrhsawmna avang a hnathawk tha theilo te awmna in ah kan pawisa nawi kawl ang te kan vawm khawm leh zauh thin bawk a,Kan thil hmuh leh hriat te hian rilru a khawih duh viau mai! Kan luhna In tinah,kan tlawh te chhung nen thlalak ho na kan nei zel bawk a,In pakhat phei chu kan kohhran,Dawrpui Vengthar Kohhran Hmeichhia leh Dinthar kohhran hmeichhia ten pawisa thawn in,Chenna in an lo zuk sak kha a lo nghe nghe a,An kawngka biangah kristian annih zahpui hauh lovin Kraws lem ziah an duh a,kan ziahsak nghe nghe a ni.
Ringtu kan tlawh zawng zawng te hi an lawm hle a ni tih an hmel leh an chet zia ah pawh a hriattheih thin a,Keini lam pawh kan lawm ve viau bawk.In pakhat ah phei chuan thingpui ruai minlo buatsaih sak a,thingpui kan in hma in Puri min rawn sem kual den den a,Puri kan ei zawh chuan Sana kan han en a,kan haw a lo hun der tawh mai,Kan haw na tur Bus in minlo nghak reng tawh bawk nen kal nghal mai a lo ngai ta si ! Rina te chhung in zing chaw min buatsaih sak kan la ei bawk silo a,thingpui pawh kan insak ta hman ta lo a ni.A nuamlo kher mai! Hmanhmawh lutuk in kan haw ta a,ke a kal kan ni a,In kan thleng chuan Field Committee hmang tur in mikhual an lo thleng kim tan bawk a,a thlengtu Pastor Rina te chhung pawh an buai ta vut vut hle mai.Chaw ei tur in kan ei a,thenkhat in mikhual an lo lawm a,kan Bus Driver te lahin minlo nghakrei tawh bawk si,kan ri ta nuaih nuaih a,chhuak turin kan inpeih fel ta.Nepal field secretary leh Nepal missionary pastor ho leh Field Committee tura lo kal te nen a awm zawng zawng in thlalak ho na kan nei a,zing dar 10:30 ah chuan Bus ah kan lawn a kan in vai liam ta a ni.
(1.Dawrpui Vengthar leh Dinthar Kohhran Hmeichhia te sak In, 2&3. Ganesthan ringthar te kan tlawh,4.Bharatpur atanga kakarvita haw dawn ni...)
Bharatpur atang in Kakarvita kan thleng phei leh ta
Zin kawng thui tak mai kha kan zawh let leh ta a,kawng ah pawh kan tluang khawp mai,kan bus driver pawh bharatpur a cheng,hindu sakhaw bia,mahse,kristian ah siam an tum mek lai a lo ni a,zuk leh hmuam insum a ngaizual khawp mai lehnghal a,kawng lakah leh ramhnuai ah kan chawlh hlek in keini lam mei zu chi ho kha a ruk in an han ti leh pet pet thin a,kawng chanve kan kal meuh chuan kan Bus driver te nen Cigarette an in theh ta vel a,(Darkar 10 vel kha chu han insum phei ta hlawm se ka lo ti rilru ve mai mai a)Tluang tak in zan dar 9:30 ve ah chau em em lo in kan thleng phei a,Kakarvita ah thawktu ten kan chaw eitur nen minlo hmuak leh thlap mai,Pastor Nghak-a pawh bharatpur lamah khan a lo thleng phei daih tawh a,a awmlo chung khan thawktu ten ruahmanna fel tak nen minlo hmuak a,an fakawm khawp mai.Missionary Tv.Apuia'n Lawmthusawi tawngtaina a neih zawhah chaw kan ei a,kan inbual fai hnu chuan mut zai kan rel ta a ni.A tuk Nov ni 3 chhun lamah Dulabari ah kan bazar a,chawhnu dar 2 vel ah Kakarvita Mission Compound bawk kan let phei leh a,haw tur in kan in peih fel leh ta a.
Kakarvita atangin Zoram lam panin kan lo chhuak a..
Nov 3,tlai dar 3:30 ah Kakarvita atangin Sumo pahnih in Nepal ram chhuahsan in New Jalpaiguri(Njp) kan pan leh ta a,Border kan thleng a,kan Driver in 'Christian Biak in a kal an nih hi' a ti zeuh a,check buai ngai lo in nepal kan rawn chhuahsan leh thei mai kha a mak a ni! Dar 4:30 ah Njp train station kan thleng a,India ramah kan awm leh ta vang mai.Tlai dar 6:30 ah train in Guwahati kan pan ta a ni.Kan kal lam ang in kan thukhawm thei ta lo a,vaiho karah kan inzep phei ta thliah thliah mai a ni.Kan khawhar viau dawn emaw kan tih lai in dar 12 a rik chuan engtin emaw awmkhawm pawl chu kan awm tho ! Kha mi zan Rel kan chuang kan hlimzia kha aw...!! Vaiho pawn min nek ngam vaklo. Tv.Sempui-avang kan tilo theilo a ni.Nuam tak a ni.Nov ni 4 zing dar 3:45 ah Guwahati train station kan thleng leh a,darkar khat dawn kan thrut hnu chuan Sumo in min rawn lam a, zing Dar 4:45 ah Shillong panin kan chhuak leh a,dar 8:30 ah Shillong kan thleng a,Synod House Laimu/Laitumkhrah-ah in nghatin chaw te eiin kan chawl hahdam leh hret a ni. Nov ni 4 chawhma dar 11 vel ah Shillong- a kan kohhran Pastor, Rev Rualzakhuma chuan tawngtai a min thlahin zoram lam panin kan lo chhuak leh a,Jowai traffic jam ah kan muang hret tihloh chu tluang tak a rawn tlanin,ladrymbai ah thingpui in chawlh kan nei a,zan dar 11:30 ah Vairengte ah chaw kan ei a,Nov ni 5 zing dar 7 ah Aizawl kan lo thleng leh ta a ni.
Nepal kan cham chhung te,kan zinkawng leh kan innghahna hmun hrang hrang ah hian chanchin hlimawm leh lungchhiat thlak te,kan hmasawnna tur te thil tamtak kan tawng a,sawi kim vek sen a ni lo.kan chamchhung khan thalai mi 20 dawn in inkhawmna kan neihpui leh ringthar te kan han tlawhkual kha tam/thahnem min ti em em a,min thlamuanpui ve thin khawp mai.Ktp General Conference-a lokal ve atan kan duh thin khawp mai.Pokhara a an kohhran secretary chu Saraswati a ni a.Amah hi nula a ni a, Mizoram lokal hi a tumruh hle mai bawk a,an khua tak chu Bharatpur ni in, in leh lo nghet tak an nei a,a chhungte kalsan in rawngbawl turin Pokhara hian a awm a ni.Ktp Conference hmang tura chahchhuah ve a tan kan it khawp mai.
Pokhara leh Bharatpur a hun kan hman chhung hian kan hun a tlem viau e tilo chuan Bazar lama len chhuahna hun kan nei thei zel a,a dawr a kan luh chang leh kan han vahvel hian Foreigner ah min ngai vaklo a,mizo tawng a kan han inbe ta chiah hi mak an ti thin khawp mai. ‘Khawi atanga lokal nge in nih?’ tih zawhna kan dawng hnem hle a,India mi kan nih thu kan sawi hian mak an ti thin khawp mai.Tin,Nepal-a Kristian te hian kawng lak a an intawh te,mi in a an len te leh an ringtu pui an hmuh a piang hian in chibai na tawngkam an nei a ‘Jai Masih’ (Isua hmingin,Chibai) an ti hmasa zel thin a ni.
Kan sawi vek senglo a ni ber e,a tawp ber ah chuan,kan zin kawng leh kan haw kawng ah te,motor rui buai leh taksa hrisel lohna a vanga harsatna tawk pakhatmah kan awmlo a,kawng lakah motor tih din ngai in harsatna kan tawklo a,Border ah check ngei ngei tur kan nih lai in kan ID tak ngial pawh phawrh ngailo a kan awm te kha Pathian hruaina a va ni chiang tak em.Pathian hnen ah lawmthu kan sawi a,min tawngtai sak tute zawng zawng chung ah lawmthu kan sawi a ni.
The Battle Within
Battles have been a part of man’s life, even from the very dawn of civilization. Man fought hard to survive, for his rights, for what he believed. Many battles have been fought but only the strongest have stood out; many innocent lives slained, many more robbed of their dignities. Even today, it still goes on but not in the barbaric ways of our forefathers.
Ever since I was a child, I had my own battles to fight. I fought with every strength that I had to just stay alive. My comrades were the doctors and the nurses who did everything they could to keep me going on and the enemies were the sicknesses that ate away my young life. There were times when I felt my life were hanging on a single thread; my survival, sometimes, depended on some chemical fluids that were injected into my body. I was in bed with no strength at all and I could hardly talk, waiting and waiting.... for a miracle.
The battles I have fought with these sicknesses were so painful and tiring, yet the hardest and the biggest one is a battle that has been in me from the very first moment I laid my eyes on this world, a battle that I will have to fight through my entire life till I reach the land of absolution. A battle, not of might like those that are fought with swords, guns, bullets, bombs, etc. but which have to be fought and won by patience, loyalty, righteousness, humility, truthfulness, love, gentleness, kindness, dignity, etc.
My body, my life is the battlefield. Good and evil fight over my soul. I know I belong to the former, which provides me with the armours of virtue. The demon knows all my weaknesses and tries to hurt me and make me lose my footing, trying to win me over, trying to make me surrender. Temptations linger all around me, waiting for chances to absorb my soul, watching my every move, waiting to jump in the moment I make a mistake, the moment I let my defence down, stalking me like a lion, its prey.
He took away my everything, pushed me into the pit of hopelessness and desperation; stole my joy, my dignity, squeezed me tight, robbed me of my young life, tried to destroy my foothold - my faith and trust in God.
Little by little, one by one, I lost control of my worldly life, my love, my life, even my dreams. Fears and doubts began to envelope my brain. Anger, pain, loneliness, hatred and jealousy filled my heart, yet I had to shut them up inside, they ate away at my confidence, and I could feel the corrosions inside but there was very little I could do but wait and wait and bear this pang in my heart patiently and bravely - never losing faith. I began to feel the world despising me, friends abandoning me - but when I thought about it, why shouldn’t they? when I could not even begin to love myself; but I somehow knew that they were all just a part of the game. There were often times when I lost me strength and broke down and cried, “Why me?” but the answer was always “Why not me!” Loads of questions arose in my mind but the answers lay beyond this life.
Everywhere I went, everything I saw and heard, it was always the same story. I could neither run away nor hide, for the battle was within me; sometimes, my only escape was the memories of the good days which were treasured inside my heart and the fantasies or the illusions that I painted at the back of my mind. I saw people having fun, enjoying and most of all, they seemed so happy. I was happy for them - that they were still so complete and happy but I really did feel so down and low and how I envied them and how I felt so out of place, so left behind, so different; for they lived in such a wonderful world of happiness and comfort while I lived in a world of shame, sorrow and despair. Nothing I had ever done could make me happy, nothing gave me the thrill of joy. The world didn’t offer me comfort anymore, for I knew nothing really lasts that long, nothing really worth a sacrifice, they come but they fade away so fast. (Though we may think that they offer us absoluteness and happiness, they always seem to drag us down into oblivion; what we think takes us to the top always does make us feel so low and down). Only when I was inside the circle of God’s love did I feel comforted and safe, and the moment I stepped out of it, the world came stabbing me down again. Whenever I armed myself with God’s love and strength, the road seemed so calm but whenever I took that off, I lost control and the dark half of my inner-self revealed itself in the most poisonous form, hiding God’s loving face and I made moves without a clear head and I always did regret what I had done sooner or later.
There is a battle in each and everyone of us but we do have a choice. So, let us sharpen our swords, take out the weapons God has planted in us, and always remember that we must never lay our weapons down and that only these weapons will see us through - for our battle is not against flesh and blood, but against the rulers, the powers, the world forces of this darkness, and the spiritual forces of wickedness in the heavenly places (Eph. 6:10-20); and to win, we don’t have to be a soldier in uniform. No matter how hard and painful the battles may be, we can survive, we must never give up, we must never quit or surrender, we must fight to the end... till the very end. No matter how much we may lose along the way, always remember - ‘He must increase and I must decrease.’ Let us be strong and brave, and let us bear the pain bravely, for we must know that all these tears that we have shed, all these heartaches we have felt and all these scars and bruises will get us ‘a medal of honour’ when we cross the river. When this long cold battle within us is over, we will be in God’s glory, singing songs of victory and praises where His glory shines on.... forever.
©buddyhnamte1999cal.
©buddyhnamte1999cal.
Nepal lam panin an chhuak ta...
Kum 2011 Branch Project pakhat- 'Ramthar Zin' tihlawhtling turin Oct. ni 26, 2011 (Wed) zing dar 8:00 khan KTP member mi 17-te chuan Nepal Mission Field lam panin an zinkawng an zawh tan ta. Bialtu Pastor hovin Kohhran Comt. member-te leh KTP Comt. Member-te bakah zin tur chhungte engemawzatin an thlahliam a ni.
Ruahman ang chuan Nepal Mission Field-ah hian kan Kohhran atanga chhuak Missionary Pu P. Thansiama te chhungkua, Pokhara a awm mek leh kan Pro. Pastor thin, Pastor R. Lalrinliana te chhungkua, Bharatpur te an tlawh ang.
Ruahmanna anga tluang taka Programme an hman theihnan te, taksa leh thlarau lamah chakna thar an neih zel theihna te leh zau zawka rawngbawlna kawngah rilru thar pua an rawn kir leh ngei theihnan tawngtaipui mawlh mawlh ang u.
Zinte:
Tv. Lalfakawma-Br. Asst. Leader
Tv. Lalrintluanga-Br. Comt. Member
Tv. R. Lalnunpuia
Tv. P. Lalthangmeka
Tv. David Ramsangliana
Nl. Ramhlunsangi
Nl. Vanlalawmpuii Sailo
Nl. Zoremmawii Zote
Nl. Sainunsangi Zote
Tv. B. Lalrinawma, Br. Secy.
Tv. K. Lalremsanga
Tv. Lalthansiama Ralte
Tv. Richard Lalhruaitluanga
Tv. Johny Vanlalmuana
Nl. Baby Malsawmtluangi
Nl. Zohmangaihi
Nl. Ruthi CVL Muanpuii
Engkim tawrh huama kan Branch aiawha fehchhuak, Krista pasalthate kan va chhuang tak em!
(Pic. tihlen duh chuan a pic-ah click mai tur a ni e)
Praise & Worship hun kan hmang
Kan nghahhlelh em em 'Praise & Worship' hun chu Oct. ni 24, 2011 (Mon) zanah Gospel Centenary Hall-ah hlawhtlng taka hman a ni. Min kaihruaitu Pathian chungah lawmthu awm rawh se. He hun atana ruat Praise Group-te leh musician-te'n an chanvo tha taka an hlenchhuah theih bakah member-te'n thinlung inhawng taka, aw leh chetze hmanga Pathian an han fak meuh chu a ropuiin a boruak a nuam hle a. Kan fak Pathian pawh a lawm ngei ang tih a rinawm.
He hun kan hman atang hian member-te'n thlarau lam nun kawngah hlawkna leh hmasawnna mai bakah Pathian ropuizia kan hmuh belhchhah ngei ang tih a beiseiawm.
(Praise Group - Faktea (Leader), Ricky, Ruthi, Abawihi, RC-i, Chhuanawma)
(Musician-te: Nunpuia, HL-a, Rintluanga, Eddie)
Aizawl West Presbytery Inkhawmpui Vawi 13-na
Aizawl West Presbytery Inkhawmpui Vawi 13-na (October ni 6-9) chu Kanan Kohhran Biak Inah neih mek a ni a, Ni 6. 10.2011 khan, chawhma lamah Finance committee thuin,Upa thlanthar exam a ni bawk a, chawhnu lamah Sub-pastoral committee leh Nomination Committee an thu a, Zan lamah Pathian Biak Inkhawm (Inlawmna leh Reports) a hun hman a ni a, Ni 7. 10. 2011 (Zirtawpni) chhunah Nilengin Presbytery Rorel a ni ang a, zan lamah Pathian biak Inkhawm in a zui ang, Dar 6:30p.m ah Pathian Biak Inkhawm tanin Thlarau lam thupui 'Ringtute nghahfak Lalpa Lokal lehna'(Phil 3:20) tih, Pastor R.Lalhmingthanga,Tanhril hnen atangin ngaihthlak a ni ang. A tuk Ni 8,10,2011 nilengin Presbytery rorel leh zan lamah Pathian Biak Inkhawmin a zui leh bawk ang a,Ni 9,10,2011 (Pathianni) zanah inkhawmpui hi a tiak dawn a ni. Inkhawm apiangin Bial zaipawl leh Kohhran zaipawl hrang hrangte an zai thin bawk ang.
Aizawl West Presbytery Inkhawmpui Vawi 13-na Puipate :
Moderator : Upa V. Thangzama, Dawrpui Vengthar
Secretary(Sr.) : Upa H. Ronghaka, Vaivakawn
Secretary(Jr.) : Upa Lalbiaksanga Ralte, Luangmual Vengthlang
Treasurer : Upa T.Rohmingliana, Dinthar (2009-2011)
Statistician : Upa P. L.Chhuanthanga, Luangmual
Secretary(Sr.) : Upa H. Ronghaka, Vaivakawn
Secretary(Jr.) : Upa Lalbiaksanga Ralte, Luangmual Vengthlang
Treasurer : Upa T.Rohmingliana, Dinthar (2009-2011)
Statistician : Upa P. L.Chhuanthanga, Luangmual
Programme :
Ni 9.10.2011(Pathianni)
CHAWHMA
10:00 a.m : Upa Nemngheh Inkhawm
Thuchah leh tawngtaisaktu : Upa T.Sena, Dinthar
Zaipawl zai turte : Dinthar Vengthlang Kohhran Zaipawl,
Vaivakawn Bial Zaipawl
CHAWHNU
1:00p.m : Lalpa Zanriah Sacrament
Thehtu : Pastor B.Lalnghakliana, Vaivakawn
Zaipawl Zai turte : Luangmual Vengthlang Kohhran Zaipawl, Tuikual Bial Zaipawl
ZAN
6:30 p.m : Pathian Biak Inkhawm
Valedictory Sermon : Pastor B.Vanlalduha, Moderator kal chhuak
Zaipawl zai turte : Zonuam Bial Zaipawl, Dawrpui Vengthar Bial Zaipawl, Kanan Kohhran Zaipawl
THURELTE :
1) "Hlamzuih chungchang hi en that ni rawh se" tih thu Tanhril Bial atanga lo lut chu a thehluttu Bial sawifiahtira nih hnuin kan sawi zui a, kan kal dan pangngai hi a la tha e, kan ti.
2) "Synod thawktu nghet tur lak tharte tan Pension Dan thar(New Pension Scheme) siam ni rawh se" tih thu Chawnpui Bial atanga lo lut chu a theh luttu Bial sawifiahtir a nih hnuin kan sawi zui a, Synod-ah kal zel rawh se kan ti.
3) "Kan Presbytery huam chhunga Kohhran pahnih emaw,pathum emaw khawiha Kohhran thar siamtheihna awm a awm a nih chuan Synod-in Kohhran indanna tur a budget a dah lai denchhen hian Kohhran thar siam dan kawng zawn ni rawh se" tih thu Vaivakawn Bial atanga lo lut chu a theh luttu Bial sawifiahtir a nih hnuin kan sawi zui a, a tha e, kan ti a, Presbytery Standing Committee-in lo bawhzui rawh se kan ti.
4) "Synod Ramthar School-te hi mahnia intodelh turin hma lak ni rawh se" tih thu Dawrpui Vengthar Bial atanga lo lut chu a theh luttu Bial sawifiahtir a nih hnuin kan sawi zui a, Synod Ramthar Board-ah thlen ni rawh se kan ti.
5) "World Council of Churches (WCC)-a Presbyterian of India(PCI) member nih ve chungchang" kan Presbytery ngaihtuah tura min rawn tihna chu Moderator-in a sawm anga Secretary-in Synod atanga a rawn kal dan a sawifiah hnuin zau taka sawi ho a ni a, WCC-a PCI member nih ve chu a tul lo ve, kan ti.
6) "Pro Pastor R.Lalmalsawma,Vaivakawn 2012 Synod-a nemngheh dilpuina" - Vaivakawn Bial
7) Kohhran Upa thlan dil : Tuikual South Kohhran -Dil zat 3. (An dil ang hian phalsak a ni)
Kum 2012 Presbytery Inkhawmpui Programme:
A hmun : Tuikual Kohhran Biak In
A hun : Ni 11-14 October, 2012
A hun : Ni 11-14 October, 2012
PUIPATE:
Moderator : Pastor K. Lalhmuchhuaka, Dawrpui Vengthar
Secretary (Sr.) : Upa Lalbiaksanga Ralte,
Luangmual Vengthlang
Secretary (Jr.) : Upa Laldawngkima, Tanhril
Treasurer (2010-2012): Upa T. Rohmingliana, Dinthar
Statistician : Upa H. Vanlalfaka, Tuikual North
Secretary (Sr.) : Upa Lalbiaksanga Ralte,
Luangmual Vengthlang
Secretary (Jr.) : Upa Laldawngkima, Tanhril
Treasurer (2010-2012): Upa T. Rohmingliana, Dinthar
Statistician : Upa H. Vanlalfaka, Tuikual North
Npss & Senior Department Inkhawmpui zo ta
September ni 11 leh ni 18,2011(Pathianni) khan kan bial chhung Naupang sunday school inkhawmpui chu zawh fel a ni a,Naupang ten zing inkhawm ah Thu leh hla sawi in an sa a,Inkhawm ban thingpui in zawh ah fellowship hun hmang in,Special item tha tak tak an nei a,Chhun inkhawm ah thuchah tawi ngaithlak,special Item thenkhat en leh ngaihthlak bak ah lawmman semna hun te an hmang bawk a ni. Kumin ah hian intihsiak lovin, zirtirtu leh naupang attendance-ah chauh intihsiak a ni.Department hrang hrangte inkhawmpui dan leh inkhawmpui na hmun te:
BEGINNER DEPARTMENT:
A Hmun : Dawrpui Vengthar Kohhran Biakin
Chairman : Upa T. Rohmingliana
Chawhnu Thuchah Tawi : Upa J.H.C. Aichhunga
PRIMARY DEPARTMENT :
A Hmun : Dinthar Vengthlang Kohhran Biakin
Chairman : Upa P.C. Mawia
Chawhnu Thuchah Tawi : T/Upa Laldawngliana
JUNIOR DEPARTMENT :
A Hmun : Dawrpui Vengthar West
Chairman : Upa Khawlrozama
Chawhnu Thuchah Tawi : Upa Hausanga Hauzel
SACRAMENT AND INTERMEDIAT DEPARTMENT
A hmun : Dinthar Kohhran Biakin
Chairman : Upa Lalthakima
Chawhnu Thuchah tawi : Rev. Thianginlim(Junior Dept inkhawmpui thlalak..)
Department hrang hrang te Attendance-ah in el na neih a ni a,kan kal dan hetiang in:
Sacrament & Intermediate Department:
1. Dinthar Kohhran
2. Dawrpui Vengthar West Kohhran
3. Dinthar Vengthlang Kohhran
4. Dawrpui Vengthar Kohhran
Junior Department:
1. Dinthar Vengthlang Kohhran
2. Dawrpui Vengthar West Kohhran
3. Dawrpui Vengthar Kohhran
4. Dinthar Kohhran
Primary Department:
1. Dinthar Vengthlang Kohhran
2. Dinthar Kohhran
3. Dawrpui Vengthar Kohhran
4. Dawrpui Vengthar West Kohhran
Beginner Department:
1. Dinthar Vengthlang Kohhran
2. Dawrpui Vengthar Kohhran
3. Dinthar Kohhran
4. Dawrpui Vengthar West Kohhran
Senior Department Khawmpui
Senior Department khawmpui hi September ni 18-ah Dawrpui Vengthar Kohhran-ah nghah a ni a,Zing inkhawm ah Kohhran hrang hrang-a zirlai ten Kohhran thurin Number 9,10-na an sawi a,Solfa hla KHB-225 'Malsawmna thisen tuikhurin' leh Lengkhawm zai KHB-442 'Hetah hian nunna ti a luang' tih hla an rem a,Inkhawmban ah Centenary hall ah fellowship hmangin,chhun inkhawm in a zui a,Rev C.Chawngliana hnen atangin Thuchah tawi ngaihthlak a ni.Fellowship leh chhun inkhawm ah Special Item tha tak tak kan thlir in kan ngaithla a ni.
(Khawmpui thlalak thenkhat te.... )
(Dawrpui Vengthar Bial Ktp pawh in Musician tha leh zaithiam kan neih belh zel dawn e)
Senior Department Khawmpui
Senior Department khawmpui hi September ni 18-ah Dawrpui Vengthar Kohhran-ah nghah a ni a,Zing inkhawm ah Kohhran hrang hrang-a zirlai ten Kohhran thurin Number 9,10-na an sawi a,Solfa hla KHB-225 'Malsawmna thisen tuikhurin' leh Lengkhawm zai KHB-442 'Hetah hian nunna ti a luang' tih hla an rem a,Inkhawmban ah Centenary hall ah fellowship hmangin,chhun inkhawm in a zui a,Rev C.Chawngliana hnen atangin Thuchah tawi ngaihthlak a ni.Fellowship leh chhun inkhawm ah Special Item tha tak tak kan thlir in kan ngaithla a ni.
(Khawmpui thlalak thenkhat te.... )
(Dawrpui Vengthar Bial Ktp pawh in Musician tha leh zaithiam kan neih belh zel dawn e)
INNEI
Dt 8th September, 2011 (Ningani) chhawhnu dar 1 khan C. Rohmingthanga s/o C. Ropianga Dawrpui Vengthar, Aizawl leh F. Kapzawni d/o F. Hranghmingthanga Bethlehem Veng, Aizawl te chu Dawrpui Vengthar Presbyterian Kohhran Biak Inah, Kohhran Dan Thianghlimin Rev. C. Chawngliana'n a inneihtir. C. Rohmingthanga hi kan Branch KTP member, Rev Saiaithanga group member a ni.
Nupa tuak tharte, Ktp-te'n kan lawmpui e.
Aizawl West Presbytery Ktp Meet Vawi2-na a tiak ta !!
Aizawl West Presbytery KTP Meet vawi 2-na, August 19-21, 2011 chhunga Vaivakawn Kohhran Biak Ina neih chu Pathian hruainain tluang takin zawh fel a ni a, Ni 21.8.2011 (Sunday chhun) Fakna inkhawmah kan Bial zaipawl (Dawrpui Vengthar Pastor Bial Zaipawl) leh Nl. Baby Malsawmtluangi te an zai a, zan fellowship ah kan Branch Leader Pu Benjamin Lalrintluanga chuan Fellowship a kaihruai a, Dawrpui Vengthar Branch Female Voice ngaihthlak a ni bawk a ni.
Kan Br.Leader Pu Ben-a & Kan Br. female voice...
Tisa lam ah pawh kan tang tlang viau...Khawmpui ti nuam leh zualtu chu thianho a thlalak te, vengdang a kan thiante nen a thla han lak vel te hi a ni ve bawk ang....:D
Pathianni zan fellowship ah chuan Ktp members kan pungkhawm hnem hle...
