Synod Family Guidance & Councelling Centre bul tumin Kohhran hrang hrang te in elna tur Kristian chhungkaw lam hawi Film insiam siak ah kan kohhran Committee in telve tha a ti a,KTP te kutah a dah a,hmalak char char ni in,Pathian hruaina in kan lo peihfel ve ta reng mai.A Film hmingah 'Bul tanna dik' hman a ni a,kan kohhran mi 50 chuangin he film hi an buaipui in, an chang a ni.Nov ni 30 khan FG&CC Mission veng ah thehluh a ni.He Film hlawhtlin nan leh rawngbawlna a ni tih hria a,mahni theihna zawn theuh a, tha leh zung seng te chungah Kristian chhungkaw Film Sub Committee chuan lawmthu a sawi mawlh mawlh a ni.
BUL TANNA DIK
SUNNA
Kan Kohhran Secretary Upa NG.Lalhmingthanga chu Ni 18 zet mai nikhaw hrelova a awm hnu ah 17th nov.2010(4:34AM) khan a Rawngbawlsak a LALPA hnenah a chawl ta.
A CHANCHIN TLANGPUI
Pian Leh Murna : Upa Ng. Lalhmingthanga hiCompounder Lalruma Ngente (L) leh Saichhungi Pachuau fate pali zinga a tlum ber niin December ni 18, 1941 khan Pukpui khuaah a lo piang a.
A Unaute -
1) Lalthansanga(L)
2) Lalneihthangi w/o Upa Lalkhawhluna,
Dawrpui Vengthar
3) Lalhmingliani w/o Upa Chalrobuanga, Pukpui
Kum May ni 28, 1968-ah Zodingliani Khawlhring d/o Upa Laikunga Khawlhring, Serkawn nen inneiin fanu pakhat, Christina Lalchhanhimi (w/o Vanlalruata Pachuau) an nei a. A tu duhawm tak tak pali te chu -
1. Lalawmpuii, (Awmawmi) kum 11
2. Lalchhuansanga, kum 4
3. Lalhruaisangi, kum 3
4. Lalremsanga, Thla 9
Zirna : Kum 1949-ah Pukpuiah Nursery ‘A’ pawl a zir a, kum 1961-ah Lunglei High School atangin Matric Second Division-ah pass-in, hemi hnu hian Imphal-ah Adinjati Technical Institution-ah lutin kum 1961- 64-ah Diploma-in-Engineer (Civil) tha takin a zo a ni.
Eizawnna : December ni 19, 1964 khan SubordinateEngineer, Lunglei Divsion, PWD-ah hna a thawk nghal a. Kum 1973-ah Sub-Divisional Officer-ah kaisangin, Sairang Sub-Division a enkawl a ni. Kum 1975 khan PHE Department-ah lutin Technical Division, Aizawlah a awm a. February ni 19, 1988-ah Executive Engineer-ah a kaisang leh a, April ni 1, 2002 khan pension-in a chawlta a ni.
Khawtlang Rawngbawlna
YMA : Khawtlang rawngbawlna lamah theih tawkin a inhmang thin a, YMA, Dawrpui Vengtharah nihna leh chanvo chelh tawhte -
1) Executive Member : Kum 1985, 1993
2) President : 1986, 1988
3) Senior Adviser : 1995-2000
Sport : Executive Engineer a nih lai atang hian a fanu hming chawiin - Machhani Club, 1985 khan a din a. Volleyball player tha tak tak lakhawmin competition-ah vawi tam tak an champion tawh a. Mizoram pum huapah tum 26-ah Final lutin vawi 21an champion a ni. Mizoram Volleyball Association-ah President leh Vice President a ni tawh a. Volleyball a promote that avangin September ni 16, 1995 khan World Volleyball Centenial Award, ‘Centenary Award for Meritorious Service for the Promotion of Volleyball’ chu India rama Association paruk an pek rualin President, Volleyball Federation of India-in Madras-ah a hlan a ni. Mizoram Basketball Association-ah President a ni tawh bawk a, Tunah hian Dawrpui Vengthar Sporting Club Senior Adviser a ni mek bawk.
Rawngbawlna Lam : Kum 1963 khan Imphal-a lehkha a zir laiin Krista chhandamna a chang a. A zirpuite atanga hriat danin Pianthar Harhna-in Imphal pawh a thleng a, Adinjati Technical Institute zirlaite pawhin chang vein Imphal Mizo Kohhran lamah pawh nasa takin hmasawnna a thlen niin an sawi. Pathian rawngbawl tul tihna a rilruah a lian hle thin. Mahse, a chhungte’n pawisa tam tak senga lehkha an zirtir chu tihthlawn chi niin a hre si lova rilru pangkhing takin sawrkar hna chu a zawm ve ta a ni. Sawrkar hna a thawh avangin Pathian leh kohhran tan a tangkai lo em em niin a inhria a. Rinna lamah chak lo tak ni mahse, Kristaa chhandamna chu a tan chakna a ni tih hi a hria a. A chak loh em em lai pawhin Kristaa piangthar a ni tih hi a inhre reng thin.
Dawrpui Vengthar Kohhrana a awm hma chuan Saron Veng Kohhranah Sunday School naupang leh puitlingah zirtirtu a ni ve thin a, Nilai leh Inrinni zan thusawi rawngbawlna pawh a nei ve hman tawh a ni. Mizoram hmun hrang hranga a insawnna apiangah kohhranin rawngbawl hna an ruatsakah theihtawpin a thawk thin. Dawrpui Vengthara a awm hnu hian puitling leh naupang Sunday School zirtirtuah te, Nilai leh Inrinni zan rawngbawltu te a ni chho a. Building Committee-ah te telin, theih ang tawkin phur takin a thawk ve thin. Sawrkar hna a chawlhsan hnu chuan a tan rawngbawlna zau zawk a inhawng ta a, a phurzawng leh tuizawng a nih avangin nuam ti takin rawng a bawl thin. A hmaa tih tur awm chu rilru leh tihtakzetin hlenchhuah a tum thin a, pakhatna kan ni tur a ni ti tlat mi a ni.
Kum 2006 khan Dawrpui Vengthar Kohhran Committee member atan thlan tlin a ni a. Hemi kum vek hian Kohhran Upa atan thlan a ni leh a. October ni 4, 2007 khan Aizawl West Presbytery, Chawnpui Kohhrana neihah Moderator Upa C. Makliana’n Dawrpui Vengthar Kohhran Upa atan a nemnghet a ni.
Rawngbawlna A Chelh Te
A awmna Kohhranah :
1) Kohhran Secretary 2) Kohhran Finance Committee Secretary 3) Kohhran Sunday School Committee Member 4) Puitling Sunday School Zitirtu 5) Kohhran Ramthar Committee Member 6) Kohhran Masihi Sangati Committee Chairman 7) Kohhran Building Committee Member 9) Thuhriltu - Sunday Chhun leh Zan Inkhawmah.
b) Pastor Bialah :1) Bial Standing Committee Member 2010-2011 2) 2010 Synod Palaia ruat 3) Senior Auditor (April 2009 - March 2010), Bial sum; Bial Kohhran Hmeichhe sum; Bial Masihi Sangati sum; Bial KTP sum 4) Bial Masihi Sangati Committee Member
Rawngbawlna Peng Dang
Gideon International Aizawl Camp-ah hian Church Ministry Chairman a ni mek a, Bible semin hmun hrang hrangah a chhuak thin. Aizawl khawpui chhunga School leh College-ah vawi 200 chuang Bible semin a chhuak tawh. Tin, Aizawla Presbyterian Kohhran 109 chuangah Bible semin a chhuak thin a (vawi hnih vawi thum kal nawnna pawh a nei). Baptist Kohhranah vawi 25 zet Bible semin a chhuak tawh bawk. Zoram dung leh vang hi a ma motor leh sum sengin Bible semin a fang chhuak deuh vek tawh a ni.
SET FREE MINISTRY rawngbawlnaah a theih ang tawkin a thawk chhuak thin a. Thlarau Thianghlim Crusade Committee-ah Treasurer hna a chelh mek bawk.ZOFISFED-ah Chairman ni lai a ni a, May, 2002 kh^n USA Business Company Sunrider International (Herbal, Nutrition, Cosmetic etc.) chuan stockist atan an rawn ruat bawk. Tunah hian Up to Date Enterprise, Lower Zarkawtah an nei bawk a ni.
A Nat Dan : Amah hi hrisel tha tak kum 2000 vel atanga BP sang nei tan a ni a, October ni 31, 2010 Pathianni Zan kh^n Kohhran Secretary a nih angin, thu a han puang chu a buai (thisen sang - stroke) tak avangin, tanpui a ngai a a ni tih hriaiin a bul hnaia mite chuan Committee room hluiah an luh pui a, hetah hian nikhawhreloin a awm nghal a, a BP te a lo san em avangin a rang thei ang berin Civil Hospital pan pui a ni a. Doctor-te’n CT Scan an ti nghal a, a thluaka thisen zam chat vangin thisen tling a awm tih hriat a ni a, Casualty-ah dah lutin oxygen te pawh pek nghal a ni a. Laina leh mitlawmngai tam takin a chanchin ngaichangin an tlaivar thin a ni. A tuk November ni 1, 2010 chhun dar 11 AM-ah Intensive Care Unit (ICU) ah dah luh a ni a, karkhat hnu November ni 8-ah CT Scan tih leh a ni a, mahse hetah hian hmasawnna a awm thei ta chuang lo a. Hetianga nikhaw hre lova ni 18 zet a awm hnuah November ni 17, 2010 (4:35AM) a rawngbawlsak LALPA hnenah min chawlhsan ta a ni.
DAMLO
Kan kohhran Secretary Upa Ng.Lalhmingthanga chu Ni 31.10.2010 (Pathianni)zan khan Biakin ah a thupuan laiin a chau a, nikhaw hreloin a awmzui nghal a ,arangthei angin Hospital lam panpui ni in,Ct scan te pawh tinghal in, Stroke ani tih hriat nghal a ni.He thu post lai hian Aizawl Civil Hospital ICU ah enkawl mek a ni.Kan tawngtaina-ah i hrereng ang u.
Kan nei thar leh e
Kan Branch KTP chuan tunlai hian Sound System leh Musical instrument-te kan thuam thar bakah kan chah thar mek zel a, Kumtir lamah khan Guitar combo (Marshal MG100Dfx) leh Bass combo(LaneyRB8) leh Bass Guitar kan lei thar a, Tunhnai ah khan Mixer (Mackie Onyx 32.4) leh Electronic Drums (Roland TD4K) kan nei thar leh ta a, Heng bakah hian Sound Box leh hman tangkai tur thil dang pawh chah mek a ni. Thalaite, sound, rimawi hmanga kan rawngbawlnate Pathianin mal a sawm thin a,Kan bungraw neih tharte pawh hi tangkai taka hman a nih kan ring tlat a ni.
Lawrkhawm
- Kan member Samuel Lalhmangaihzuala, H. Lalbiaknunga leh Zothanmawia, Commonwealth Games-a Cheraw kana kalte chu Oct. ni 7 (Thur) khan dam takin an lo haw thleng leh ta.
- BSI buatsaih AGON Beat Contest-ah kan Branch aiawha tel 'Jacob's Ladder' te chu Pathumna niin, an Bassist Tv. C. Laldawngliana chuan Best Bassist Award a dawng bawk.
Fela Weds Mahruaii
October ni 15 (Zirtawpni) khan Br. Committee Member leh KTP CCB Editor R. Laltlanfela s/o Darkima chuan Vanlalhruaii d/o C. Manhleia, Mission Vengthlang chu Kohhran Dan Thianghlimin, kumtluanga nupa kawpchawi ni turin a nei ta, fanau maltluan chawia Kristian Chhungkaw tha tak an din theih nan kan duhsakna kan hlan e.
Aizawl West Presbytery, 2010
Aizawl West Presbytery Vawi 12-na, October ni 7-10, 2010 chhunga Govt. Complex Kohhrana hman zawh takah kan Kohhran Tual Upa Pu Saichhunga leh Tual Upa C. Thangchhuana te chu Upa atan nemngheh an ni. He Upa Nemngheh Inkhawm, Oct. ni 10 chawhma inkhawma neihah hian Dawrpui Vengthar Pastor Bial Zaipawlte pawhin Pathian Fakna sain hun an hmang bawk.
Dawrpui Vengthar Pastor Bial Zaipawl
Lawrkhawm
Kan member Julie Lalthlanthangi chuan M. Phil degree a hmu thar a. Kan lawmpui hle. A zir lehzelna turah duhsakna kan hlan e.Kristian Chhungkaw Film siam chhunzawm mek zel a ni.
AGON Beat Contest a kan Branch hminga tel turte'n an zir ngawrh tawh hle.
Kan site Banner thar khi Tv. Lalrintluanga'n a 'free' a min siamsak a, a chungah kan lawm hle.
Kan CCB Joint Editor leh Kohhran Zaipawl Asst. Conductor Pu Simlathanga chu Sept. ni 21 khan a pa, Pu Thlamuana chuan a boralsan a. Pu Sima hi a nuin July thla mai khan a boralsan tawh bawk. Pu Sima leh a chhungte kan tawrhpui hle. I tawngtaipui ang u.
NPSS Inkhawmpui - 2010
SENIOR DEPT.
Sept. ni 19-a Dawrpui Vengthar Pastor Bial NPSS Senior Dept. Inkhawmpui, Dinthar Kohhranah hman zawh takah Dawrpui Vengthar Kohhran Senior Dept.-te Thu & Hla leh Ztu. & Naupang Attendance intihsiakah pakhatna an ni a, kan lawmpui hle.Fellowship lamah pawh an tih tur angte tha takin an ti thei bawk.
(Beginner-Sakramen)
DPVT Junior Dept. Special Item neitute
Dawrpui Vengthar Pastor Bial NPSS (Beginner-Sakramen Dept.) Inkhawmpui-2010 chu Pathian kaihhruaina hnuaiah Sept ni 12 khan tluang taka zawh a ni ta. Hun hman dan tlangpui leh result hetiang hi a ni e:
Sept. ni 11 zan @ Dawrpui Vengthar West Kohhran Biak In
Hemi zan hian Bial chhung Kohhran tin atangin NPSS Report ngaihthlak a ni a, Kohhran tin Zirtirtu Zaipawl a awm bawk. Zirtirtute Attendance hmanga inel a ni bawk a, kal dan hetiang hi a ni:
Dawrpui Vengthar - 76 (87.35%)
Dinthar - 79 (95.18%)
Dinthar Vengthlang - 53 (98.14%)
Dawrpui Vengthar West - 57 (94.99%)
Sept. ni 12 Chawhma & Chawhnu Inkhawm
Chawhma inkhawmah Thu leh Hla hmanga inel a ni a, chawhnu lamah Fellowship leh Result Puan hun hman a ni leh bawk.
Result:
Beginner Dept. @ Dinthar Vengthlang Kohhran Biak In
1st - DPVT West, 2nd - Dinthar, 3rd - Dinthar Vengthlang, 4th - Dawrpui Vengthar
Primary Dept. @ Dinthar Kohhran Biak In
1st - Dinthar, 2nd - Dawrpui Vengthar , 3rd - Dinthar Vengthlang, 4th - DPVT West
Junior Dept. @ Dawrpui Vengthar Kohhran Biak In
1st - Dawrpui Vengthar, 2nd - Dinthar , 3rd - Dinthar Vengthlang, 4th - DPVT West
Intermediate & Sakramen Dept. @ DPVT West Kohhran Biak In
1st - Dinthar Vengthlang , 2nd - DPVT West , 3rd - Dawrpui Vengthar, 4th - Dinthar
Over-all Result -
1st - Dinthar
2nd - Dawrpui Vengthar
3rd - Dawrpui Vengthar West
4th - Dinthar Vengthlang
LIGHT, CAMERA, ACTION...
Kristian chhungkaw film chu August ni 13 (Fri) khan shooting tan a ni ta.
August ni 26 (Thur) khan MZU Campus-ah shooting neih leh a ni a, hma min lakpuitu leh Refreshment min tumsaktu Dr. Lalhriatpuii (Lapuii) chungah kan lawm hle. August ni 27 (Fri) khan vengchhungah shooting neih chhunzawm leh a ni bawk.
(click here for more pics)
Tawrhpuina
Kan chanchinbu Joint Editor Pu Simlathanga chu a nu Pi Kapliani, kum-77 chuan July ni 28 tlai dar 5:30 khan a boralsan a, tin, a pa hi tunah a damloh avangin in lamah enkawl mek a ni bawk. Kan tawngtainaah i hrereng ang u.
Group News
Rev. Chhuahkhama Group-te
- July ni 29 (Ninga) zan khan Rev. Chhuahkhama Group-te chuan Sport kan neih zawh taka an pakhatna nih an lawm a, member kal an thahnem hle.
- July ni 29 (Ninga) zan khan Rev. Liangkhaia Group-te lehkhachhia khawnin an hnatlang.
- Rev. Liangkhaia Gr. chuan kum chanve dang (July-Dec) budget Rs. 6000/- chu (July ni 24) khan an tlak fel ta. Group dangte pawhin hma an la chho mek zel bawk. Rev. Liangkhaia Group hi kum chanve dang budget pe hmasa ber Group an ni e.
Kristian Chhungkaw film siam turin hma lak mek a ni
Kristian Chhungkaw film siam turah chanvo leh mawhphurhna hrang hrang hetiang hian siam a ni:
Asst. Directors :
1. Tv. R. Laltlanfela
2. Tv. Lalrintluanga
3. Tv. R. Lalnunpuia
4. Nl. Lalthangpuii
Camera i/c:
Pu Sanghmingthanga & Tv. Dennis Lalhruaitluanga
Light & Sound
Convener : Tv. Dennis Lalhruaitluanga
Members : Pu Benjamin Lalrintluanga, Tv. B. Lalrinawma, Tv. Lalrintluanga
Make Up
Convener : Nl. Lalmalsawmi Hnamte
Members : Nl. K. Lalremruati, Nl. Zoremmawii Zote
Costume
Convener : Nl. Lalthangppuii
Members : Nl. C. Lalrinsangi, Nl. Lynda Zosiamliani
Transportation
Convener : Pu Sanghmingthanga
Members : Tv. B. Lalrinawma, Tv. Lalchhanhima
Refreshment
Convener : Pu Benjamin Lalrintluanga
Members : Nl. C. Lalhriatpuii, Tv. Hrangthanzauva
August thla atangin Shooting neih tum a ni a, kawng hrang hranga idea nei tha te thurawn kan ngaichang reng e
KTP Sports, 2010 kan zo ta...
Branch KTP Sports, 2010 chu 16th July, 2010 (Fri) zan khan Kohhran Gospel Centenary Hall-ah a kharna hun hman a ni. Hemi zan hian Quiz leh Games hlimawm tak tak hmanga inelna neih a ni a. Result Puan leh Lawmman semna hun hman nghal a ni. Kan member zingah Talent nei tha tak tak inphum an lo awm niin a lang a, an talent dawn te Pathian rawngbawlnan hmang chhunzawm zel se a va duhawm em, hei hi Sports hlawhtlinna pawh a ni ngei ang. Tluang taka kan Sports min kaihruaitu Pathian hnenah Lawmthu i sawi ang u.
July ni 15 zan Result:
Group Singing:
1st - Rev. Chhuahkhama Gr. 2nd - Rev. Saiaithanga Gr.
3rd - Rev. Liangkhaia Gr. 4th - Rev. Thanga Gr.
Beat Contest:
1st - Rev. Chhuahkhama Gr. 2nd - Rev. Saiaithanga Gr.
3rd - Rev. Thanga Gr.
Individual lawmman dawngtute:
Best Vocals : Tv. Lalfakzuala (Afaka) - Ch. K
Best Drummer : Tv. Lalnunpuia (Nuna) - Ch. K
Best Guitarist : Lalrintluanga (Ami-a) - Ch. K
Best Bassist : Tv. H. L. Remruata (HL-a) - Ch. K
Judges : Pu Hruaia, Pu PB Lianzama, Pu TS-a
July ni 15 zan Result:
Games:
2nd - Rev. Chhuahkhama Gr.
3rd - Rev. Thanga Gr.
4th - Rev. Saiaithanga Gr.
Quiz:
1st-
Rev. Thanga Gr.
2nd -
Rev. Liangkhaia Gr
3rd -
Rev. Chhuahkhama Gr.
4th - Rev. Saiaithanga Gr.
Sports Attendance Result:
1st-
Rev. Chhuahkhama Gr.
2nd -
Rev. Saiaithanga Gr.
3rd -
Rev. Liangkhaia Gr.
4th -
Rev. Thanga Gr.
Thawhtan Zan Inkhawm:
1st-
Rev. Chhuahkhama Gr.
2nd -
Rev. Liangkhaia Gr.
3rd -
Rev. Saiaithanga Gr.
4th -
Rev. Thanga Gr.
Tawngtai Inkhawm:
1st-
Rev. Chhuahkhama Gr.
2nd -
Rev. Liangkhaia Gr.
3rd -
Rev. Saiaithanga Gr.
4th -
Rev. Thanga Gr.
OVERALL RESULT:
1st-
Rev. Chhuahkhama Gr-112 (Rs. 1000)
2nd -
Rev. Saiaithanga Gr-105 (Rs. 700)
3rd -
Rev. Thanga Gr-87 (Rs. 500 + Hmun phiahfai)
4th -
Rev. Liangkhaia Gr-83 (Rs 300 + Sound System tihfel)
