KOHHRAN NEWS

March 24-27 chhung khan Synod Social Front buatsaihin Synod Rescue Home, Durtlangah Drugs hman khawloh, a ven dan leh enkawl dan chungchang inzirtirna buatsaih a ni a, ruihhlo ngaite enkawlna Home hrang hrang leh Kohhran aiawh 18 an tel thei. Training kharna inkhawm hi March 27 (Zirtawpni) chawhnu dar 1:00 ah neih a ni a, Senior Executive Secretary Rev. Dr. Lalhmangaiha’n a hmanpui.He Training-ah hian kan Kohhran aiawhin Tv. T. Lalchhanhima, Kohhran Counsellor a tel.


March 25 (Nilaini) khan Synod Moderator Rev. H. Lalchhanhima’n Presbyterian Hospital, Durtlang-a AIDS veite enkawlna Grace Home Building thar sakna tur Lung a phum.Inkhawm hi Hospital Director Dr.Lalremthanga’n a kaihruaiin Dr. Lalremthanga chuan Grace Home building sakna tura Tanpuina an hmuh dan te a sawi a. Presbyterian Church of Wales-in he building thar sakna tur hian pound Singli, India pawisain Nuaih sawmthum pahnih bawr vel an rawn tihchian tawh thu a sawi bawk. Presbyterian Hospital, Durtlang Grace Home hi March ni 31, 2004-a din tan niin khum sawm (10) a awm a. A din tirh atangin mi zathum sawmnga (350) an lo enkawl tawh a, heng zingah hian naupang 17 an tel a ni. Tun dinhmunah chuan HIV Positive vei mipa panga (5) leh hmeichhia pathum (3), an vaiin mi pakua (9) an enkawl mek a, thawktu inpe tak tak mi sawmparuk (16) te’n damlo te duat takin an enkawl thin a ni.


Pi P.C. Vanlalnghaki leh a team (Jehova Jire Team)-te March ni 16 atang khan Khawhai Venglai Kohhranah Camping an nei mek a, Camping hmasa hi Rawngbawltu Camp-in an tan a, mi 42 an lut a, ni 23 atang khan camp chhawng hnihna-Mipui Camp nei lehin mi 187 an lut a, Zirtawp zan atanga zanin thleng hian follow up-in hun an hmang ang a, naktukah Lawi & Vawk-in Lawmna Ruai an theh ang. An rawngbawlnaah hian Pathian hnathawh a lang nasa hle.

KAN KOHHRAN ATANGA MATRIC PASS THARTE

March ni 27 khan Matric
Result a chhuak a, kan Kohhran atanga Pass thar kan hriat theihte -
Distinction
1. Lalrinchhani (SS, Sc, Eng)
d/o Lalrongura
2. Lalhriatpuia (Mz, Sc, Mth)
s/o C. Laltanpuia
3. Lalmuansanga Tlau (Eng,Sc)
s/o Dr. S.T. Lalruatfela
4. Lalrintluanga (Mz,Sc.Mth, SS)
s/o J. Lalawmpuia
I Division
1. Joseph C. Rothara (Mth, Sc)
s/o C. Ropianga
2. Joseph Lalsiamliana
s/o Lalnunmawia
3. Lalnunfela
s/o Sapchhawni
4. Rita Lalramdini
c/o P.C. Lalpekhlua
5. C. Lalawmpuia
s/o C. Lalliana
6. Lalrintluanga (SS)
s/o Zonunsanga
7. Zosangmawia
s/o Lalbiaksanga

II Division
1.T. Lalrintluanga
s/o Vanthuama
2. Lalremzuali
d/o Lalthachhuaka
3. Lalrinsanga
s/o Zorammuana
4.Zonunsiama
s/o Lalhmachhuani
5. Lalmuanawmi
d/o Zothansanga
6. Sairinfela
s/o Saichuangkima
7. Saithanpuii
d/o Saichhuangkima
8. P.C. Zothankimi
d/o Zothansanga
9. Zonunmawii
d/o Lalchhuanawmi
10. Zonunsanga
s/o Lalenga
III Division
1. Lalpapuia
s/o Liannghaka
2. Vanlalchhanhimi
d/o Rohmingliana

Class 10 Result chhuak a,hlawhtling zawng zawng te,Dawrpui vengthar Branch ktp ten kan lawmpui a,ankal zelna turah duhsakna sangber kanhlan nghal e.

SEMINAR ON BIRTH CONTROL

Synod Family Guidance & councelling Centre,buatsaih in khawpui chhung ktp branch hrang hrang te atang a mi pahnih intirin,March 21,2009(inrinni):10:00AM khan Electric veng presbyterian Kohhran Hall ah Seminar on birth control Programme hman a ni a,Resource Person ah Rev.Dr.Lalhmangaiha,Senior Executive Secretary i/c Pastoral ministry,FG&CC etc. a ni a,Paper hi Synod in Birth control chungchang a,Booklet a siam rin nghal a ni.Hun hi session hnih ah then a ni a,First Session ah Upa Lalbiaksanga,Committee member- in a kaihruai a,Rev.Zothansanga Director FG&CC in Reports leh inlawmna thu sawi in,Second session ah Rev Dr.Chawnghmingliana comt.member,FG&CC in a kaihruai leh a ni.He seminar ah hian General/Group Discussion te neih a ni bawk a,Synod in Fa neitam tura inzirtirna a siam hi kal khawm te pawhin tha anti tlang hle a ni.Dawrpui vengthar Branch Ktp atangin Nl. C Laldinsangi leh Tv.C Lalmuankima, Branch Ktp Comt.member- te an tel a ni.

Synod Statistics atanga a lan danin kum 1989 khan Beginner Deptt. zirlai 26,414 an awm a, chu chu kohhran member atangin 9.51% an ni. Kum 2004-ah 30,046 an ni a, chu chu 6.96% an ni. Kum 2006-ah chuan zirlai 28,288 chiah an ni tawh a, chu chu 6.21% a ni. Synod Statistics atanga a lan danin kum 1983 khan chawhrualin chhungkaw 6.3-ah naupiang 1 zel awm ang a ni a, 2002-ah chuan chhungkaw 10.7 zelah naupiang 1 zel awm ang a ni leh a, 2006-ah chuan chhungkaw 11.7 zelah naupiang 1 zel awm ang ani.

KTP MEET TIAK TA

Aizawl west presbytery Ktp Meet vawi 1 na Dawrpui vengthar kohhran a nghah chu,dt 22,3,2009(sunday) zan khan a tiak ta a,He meet ah hian Pastor Bial 6.Branch 27 telin,Bial leh Branch hrang hrang te dinhmun tlangpui Report in,Pathian thu Sermon ngaihthlak leh Fakna inkhawm te a hun hman ani a,Fellowship vawi 2(inrinni zan&Pathianni zan)kan nei a,Branch hrang hrang te atangin Zaipawl,Group zai,solo,skit,short play,Musical Drama,Female voice leh Male voice mawi taktak te thlir in kan ngaithla thin a,Thalai ten kan hlawkpui in a khamawm loh hle a ni.

(click 2 enlarge)
Synod choir, Nl Stacy Tuikual, Tuikual Bial zaipawl


A chhelai siamtha tu Action nen,D.vengthar bial Male Voice,D.vengthar Bial zaipawl

Fakna inkhawm

Thlengtu Bial/Branch thalai te......





Reception duty,refreshment duty..!!

Awmherh zual: Keyboardist kalsual ,Branch OB pahnih,Refreshment duty..Nuho


Fellowship hall lam pawh Big screen nen.....

AIZAWL WEST PRESBYTERY KTP MEET REPORT KHAIKHAWMNA


Presbytery Ktp meet hi Dawrpui vengthar kohhran Biakin ah neihmek zel a ni a,Thalaite inkhawm kan tha in zai Boruak pawh a nuam thei hle a ni.Ni 22 vawiin(pathian ni)zan hian inkhawmpui hi tiak tur a ni.
BRANCH & BIAL DINHMUN KHAIKHAWMNA:

1. Bial chhung Branch member dinhmun :
BIAL HMING MIPA (M) HMEICHHIA(H) MEMBER ZAT TOTAL(T)
1)Dawrpui vengthar Bial (M) 753 (H)516 (T)1269
2)Luangmual Bial (M)897 (H)593 (T)1490
3)Vaivakawn Bial (M)800 (H)562 (T)1362
4)Tanhril Bial (M)467 (H)304 (T)771
5)Chawnpui Bial (M)974 (H)662 (T)1636
6)Tuikual Bial (M)719 (H)557 (T)1276

TOTAL (M) 4610 (H)3194 (T)7804

2. Member tam berna Branch : Tuikual (660)
3. Member tam berna Bial : Chawnpui (1636)
4. Member tlem berna Branch : Ramrikawn (54)
5. Member tlem berna Bial : Tanhril (771)
6. Branch zawng zawng sum thawhchhuah zat : Rs. 66,12,158/-
7. Branch zawng zawng Kohhrana Sum thehlut zat : Rs. 16,09,231/-
8. Sum thawkchhuak tam ber Branch : Dawrpui Vengthar (Rs. 9,56,915.00)
9. Sum thawk chhuak tam ber Bial : Dawrpui Vengthar
(Rs. 19,46,016.00)
10. Kohhran Sum chhung lut tam ber Branch : Vaivakawn(Rs.1,54,880/-
11. Biak Ina Innei zat (Bial zawng zawng) : 97
12. Biak Ina Innei tam berna Branch : Chawnpui, Tuikual, Tuikual North(8)
13. Biak Ina Innei tam berna Bial : Luangmual (24)
14. Hmun danga member innei zat : 153
15. Hmun danga innei tam berna Bial : Luangmual (58)
16. Hmun danga innei tlem berna Bial : Tuikual (18)
17. Kohhran Thunun tawk zat : 285
18. Kohhran Thunun tawk tam ber Branch : Vaivakawn (24)
19. Kohhran Thunun tawk tam ber Bial : Luangmual (74)
20. Kohhran Thunun tawk tlem ber Bial : Dawrpui Vengthar
21. Branch zawng zawng Missionary chawm zat : 84
22. Missionary chawm tam ber Branch : Dawrpui Vengthar (11)
23. Kristian thalai lak zat : 1729
24. Kristian thalai la tam ber Bial : Dawrpui Vengthar (369)
25. Kristian thalai la tam ber Branch : Dinthar (152)
26. Kristian thalai la tlem ber Branch : Ramrikawn (10)
27. Vengchhung Chanchinbu tichhuak tam ber Branch : Dinthar (450)
28. Za zela chhuta Thawhtan zana inkhawm tha ber Branch : Tanhril Vengthar (35.82%)
29. Chawhruala Thawhtan zana inkhawm tha ber Branch : Dinthar (134)
30. Za zela chhuta Thawhtan zana inkhawm chhe ber Branch : Vaivakawn (14.00%)
31. Za zela chhuta fellowship kal tha ber Branch : Tuivamit (32%)
32. Za zela chhuta fellowship kal chhe tha ber Branch : Vaivakawn) (6.05%)
33. Chawhruala fellowship kal tha ber Branch : Dinthar (81)
34. Chawhruala fellowship kal chhe ber Branch : Rangvamual (8)

PRESBYTERY THALAI MEET

AIZAWL WEST PRESBYTERY KRISTIAN THALAI PAWL MEET 2009

PROGRAMME

A Hmun : Dawrpui Vengthar Biak In
A Hun : 20th- 22nd March 2009

Ni 20.3.2009 ( Zirtawpni ) 7:00 - 8:30 Pm

Report leh inlawmna
Zai Hruaitu : Tv Diamond Lalduhawma
Conductor Chawnpui Pastor Bial Zaipawl
Hruaitu : Pu Zohmingliana Chairman
Tantu : Nl C. Laltanpuii Tanhril Bial
Zaipawl : Vaivakawn Pastor Bial zaipawl
Central Jail Veng Kohhran Zaipawl
Tuikual South Kohhran Zaipawl
Bial KTP Report : Bial KTP Secretary te atangin
Report Khaikhawmna : Pu MS Rinthanga Asst Secretary


Ni 21.3.2009 ( Inrinni Zan )
6:30- 7:00 Pm : ZAIHO
Zai Hruaitu : Pu R. Lalfakkima
Conductor Tuikual Pastor Bial Zaipawl
Pathian Biak Inkhawm
Hruaitu : Pu T. Lalnunzira Fin Secretary
Tantu : Nl Laldinpuii Vaivakawn Bial
Zaipawl: Luangmual Pastor Bial zaipawl
Hunthar Kohhran Zaipawl
Chawnpui Vengthlang Kohhran Zaipawl
Thuchah: Upa C. Lalpianga Secretary (Sr) Aizawl West Presbytery

Fellowship : 8:30- 10:00 pm

Zaihruaitu :
Pu Muansangpuia Conductor Tanhril Pastor Bial Zaipawl
Hruaitu : Pu Issac Vanlalhruaia Comt. Member
Items :-
Solo-
1. Nl Lalbiakengi Sailo Tuikual Bial
2. Nl Rebek Vanlalpeki Sailo Tanhril Bial
3. Nl Lalbiakhlimawmi Luangmual Bial
Male Voice : Vaivakawn Bial
Short Play : Chawnpui Bial
Musical Drama : Dawrpui Vengthar Bial

Ni 22.3.2009 ( Pathianni )
9:30- 10:00 Pm : ZAIHO
Zai Hruaitu : Pu Laltanpuia Chawngthu
Pathian Biak Inkhawm
Hruaitu : Pu K. Lalhmachhuana Secretary
Tantu : Nl Rosy Lalhmingmawii
Zaipawl: Chawnpui Pastor Bial zaipawl
Chawlhhmun Kohhran Zaipawl
Dinthar Vengthlang Kohhran Zaipawl
Thuchah: Rev. C. Chawngliana, Bialtu Dawrpui Vengthar Pastor Bial
Fakna Inkhawm - ( 1:30- 3:00 pm)
Zaihruaitu : Praise Group Dawrpui Vengthar Branch
Hruaitu : Pu Laltanpuia Tresurer
Zaipawl:
Tanhril Pastor Bial Zaipawl
Tuikual Pastor Bial Zaipawl
Thuchah Tawi
: Pu Zohmingliana Chairman
Items : Male Voice : Dawrpui Vengthar Pastor Bial
Solo.-
Nl.Vanlalpari.Luangmual Bial
Nl.Gracy V.L.Pachuau Chawnpui Bial
Nl.Stacy Vanlalmuanpuii.Tuikual Bial
Tv.Lallawmawma,Tanhril Bial
Tv.Johan H.Lalmalsawma,Vaivakawn Bial
Male voice-
Dawrpui vengthar Bial.

Ni 22.3.2009 ( Pathianni Zan )
6:30- 7:00 Pm : ZAIHO
Zai Hruaitu : Pu Simlathanga
Conductor Dawrpui Vengthar Pastor Bial Zaipawl
Pathian Biak Inkhawm
Hruaitu : Pu CVL Tlanhlua Vice Chairman
Zaipawl: Dawrpui Vengthar Pastor Bial zaipawl
Tanhril Vengthar Kohhran Zaipawl
Tuikual northKohhran Zaipawl
Mizoram Synod Choir
Thuchah : Rev. Lalbiaknia Moderator, Aizawl West Presbytery

Fellowship : 8:30- 10:00 pm

Zaihruaitu :
Dr. Samuel Vanlalthlanga,
Conductor Luangmual Pastor Bial Zaipawl
Hruaitu : Pu . V. Lalremruata Comt. Member
Items :-
Solo-
1. Nl Lalpekmawii,Vaivakawn Bial
2. Nl Vanlalruati Sailo,Dawrpui Vengthar Bial
Skit : Tuikual Bial
Special Item : Luangmual Bial
Short Play : Tanhril Bial
Female Voice : Chawnpui Bial


Hriattur tulte :
1. Musician-te thlengtu branch kutah dah a ni.
2. Pathianni Chawhma leh Pathianni Zan Inkhawmah Thilpek lakkhawm a ni anga, thlengtu branch pual a ni ang.
3. Kristian Hlabu leh KTP General Conference Hlabu hman a ni ang.
4. Bial leh Branch KTP tinin Flag ken theuh tur a ni a, Meet tan zan atangin tar tur a ni.

Aizawl West Presbytery Chhunga Bial leh Kohhrante :

Dawrpui Vengthar
Dinthar
Dinthar Venmgthlang
Dawrpui Vengthar West
Luangmual
Chawlhhmun
Zonuam
Govt. Complex
Luangmual Vengthlang
Luangmual West
Vaivakawn
Hunthar
Rangvamual
Phunchawng
Tanhril
Sakawrtuichhun
Tuivamit
Tanhril Vengthar
Cenral Jail Veng
Ramrikawn
Chawnpui
Zotlang
Kanan
Chawnpui Vengthlang
Tuikual
Tuikual South
Tuikual North

OFFICE BEARRERS:
Chairman: Pu Zohmingliana,Dawrpui Vengthar Bial
Vice Chairman: Pu CVL.Tlanhlua,Vaivakawn Bial
Secretary: Pu K.Lalhmachhuana,Tuikual Bial
Asst.Secretary: Pu MS.Rinthanga,Luangmual Bial
Treasurer: Pu Laltanpuia,Chawnpui Bial
Fin.Secretary: Pu T.Lalnunzira,Tanhril Bial
COMMITTEE MEMBERS:
Pu V.Lalremruata,Dawrpui Vengthar Bial
Pu Isaac.Vanlalhruaia,Luangmual Bial
Pu Richard VL.Zara,Chawnpui Bial
Pu F.Vanlalruata,Tuikual Bial
EX-OFFICIOS:
Rev.Lalbiaknia,Moderator. Tanhril Bial
Upa C.Lalpianga,Secy.(sr)Tuikual Bial
Rev.C.Chawngliana,Dawrpui vengthar Bial
P/P R.Lalrinliana,Dawrpui vengthar Bial
Rev.B.Vanlalduha,Luangmual Bial
Rev.B.Lalnghakliana,Vaivakawn Bial
Rev.K.Lalthanliana,Chawnpui Bial
P/P C.Lalremsanga,Chawnpui Bial
Rev.K.Lalpiangthara,Tuikual Bial
Pu Lalmuanpuia,Asst.Coordinator i/c CKTP

Aizawl West Presbytery Kristian Thalai Pawl Meet kan dawn turah khawmpui rawn chhim tu zawng zawngte kan lo lawm che u a, khawmpui hlim taka kan hman tlan kan beisei a, Pathianni tlaiah tualchhung kohhranah Chawhlui min kil pui vek turin kan beisei che u a ni.

OPERATION BLANKET SUK

Thalai rual kal chhuak chu an thawm a tha, lui kam pawh khawk rum rum khawpin Blanket nawpa, rapa, sawra, zial thawm chu! Ralkhat atanga lo thawm hriat ngawt tan chuan zamawm riau zu nia! March ni 10 khan Branch chhunga group hrang hrangte chuan inthurualin Blanket suk runpui Sairang Buchali lei paih lawk pialtlep hmuah kan nei a. Hruaitute inberawna inremsiamin blanket hi suk a ni a; a huhovin, sum hmuh pawh inzah sem vek turin ruahman a ni a.

Chhuah hunbi tiamah erawh kan chhuak hman lo, a hmanhmawh zualin 407 trip khat tlatin Blanket suk tur phurin an liam thla a, a hnuah Bus pahnih khatin member dangin kan umzui bawk a. A hmun kan thlen meuh chuan a hmunhma lo hauh lawk tura kan member tlawmngai mi parukte an lo mangang tawh hle tih a hriat a. Heng kan member-te hi zan hnih ngawt mai a hmun hauh tur hian mahni inlum chhuahsanin an lo riak tawh a, an fakawm hle a ni. Inhrilhhriat ngaite kan inhrilh hnuah kan kal chhan a suk lam kan buaipui nghal char char a. Suk tur kan han vawm khawm chu huphurhawm tak a ni, a vum thur mai le! Dekchi lianah Surf nen kan chiah a, kan su suau suau mai a, chumi hnuah hmeichhe lamin a tlang leh a bal zual lai an lo brush leh a, chu chu duhtawk lovin mipa hlang, a thaza pawlin an lo vaw thum duh dup a, chu chu a chiah fai lamin an chiah leh a. An chiah hnu chu a sawr khawl, sek phiar tak takin an lo ser siah siah mai a. An her fu hnuah a thiar pawlin, tumah luh ve theih loh, ke faite chauh awmna lamah an dah a. Chutah chuan uluk takin an lo tel a, an tung fel nghal thlap bawk a.

Suk tur tam mahse, tumah tha thlah kan awm lova, kan tangrual a, kan rawtphur thiam a, chau deuh chu kan chawl mai a, tumah inphut hmel kan awm lo. Han tan tlan tak tak chuan engmahin lo dawl bik hek suh, kan su zo ve mai. Member naupang zawk an fakawm thlawt a ni. A then tan chuan KTP activity-a kan tel vawikhatna a nih hmel, mahse, mit tikham turin an awm lo tlat! Chumai a ni lo, U zawkte’na tih tur an tih chu mawng zang takin an ti mai a. An fakawm hle a, nakin lama KTP hma a eng hle a ni.

Chhun lamah thingpui leh a hmeh eia chawlh tih mai loh chu chawlh kan nei mang lova, Ei siam lam pawh Pu RTL-a te, Tv. Sem te, Tv. Davida te, Nl. RP-i leh Papii te pawh an tang hle a, puibawmtu thenkhat te nen an buai ve hle bawk a. Tlai thim dawn thleng a Blanket 208 su hah tawh member 70 zetin chaw no 90 kan kham lo kha mak viau mahse, kan hahin kan chau a, chaw lak a lo na deuh a nih pawhin a mawh love. Mi riltam ve te, mahse ei ve tak chu kan ni! Kan puar peng pawng tawh tihah tlai khaw thim thet thetah kan veng lam panin kan lo haw leh ta a.
Kan hun ruatah, kan hmun ruatah, khaw tha hnuaiah kan su thei a, vengdangte che suala nunna chan te an awm, kan tuarpui rualin Pathianin kan duhna te hriaa, dam taka he hun min hruai hi kan lawm a, lawmthu i sawi nawn mawlh mawlh ang u.

Admin: (A hnuaiah hian kan thlalak awm thin kha a lang thei lo vek ta mai a,KTP Album pangngai ah a thlir theih tho e)

MEDIA RAWNGBAWLNA

"Media changkang hmanga, Rawngbawl tura koh i ni asin!"
(Heb.1 : 1 - 4)


Pathianin a mite biakpawh a duh thin. Hmanlai chuan Zawlneite hmangin thu a sawi a, Thuthlung Thar hunah a Fapain thu a sawi. Keini hunah eng nge kan hman ve ang?

Kan rama Chanchin Tha rawn thlentu, Zosap Missionary te ngei pawh khan an hun laia Media changkang ber hmangin rawng an lo bawl a. Mizo tawng zir chawpin A AW B min zirtir a, Bible an letling a. Sylhet Mission Press lamah an zuk chhuttir vang vang a nih kha! Print Media, changkang ber hmangin rawng an bawl a ni. Hei vang tak hian Rawngbawlna pawh kha a chak hle reng a ni. Kum za zet a liam tawh hnu pawh hian Print Media hmanga rawngbawl bak hmasawn harsa kan ti hle. Chutih laiin Media a chhuak thar zut zut reng a, Information Technology lama hmasawnna lah a thlawhin a thlawk duai duai mai bawk si! Rualawhna leh duhthawhna nasa tak nena thlirtu tan chuan Media chhuak thar hmanga rawngbawl tura kan inpekna pan lutuk leh muang lutuk hi chu hmuh a hreawm ngei ang.

Nang, Thalai duhawm tak hi Media changkang hmanga Rawngbawl turin Lalpan a duh che sin!



BRANCH NEWS (4.3.2009)

1.Tunlai hian Group hrang hrang ten member tlawhchhuahna neiin, Group tin ten kan zo fel toh a, group budget te tlak tumin, hmalakna te, (mombati zawrh, sangha zawrh,etc..) group thenkhatin neih mek a ni a, March ni 10 ah, group hrang hrang ten a khawmin Blanket suk hnatlang Lengpui bul ah ah neih leh tur a ni a, Group te pawh kan phurtlang tawh hle a ni.

2.Central KTP Rorel Inkhawm (Dt. 6-8, March 2009.) Chawlhhmun Kohhran Biakina neih turah kan Branch atangin Special Item (Live Band) nei turin, Central Committee-in min ruat angin tih hlawhtlin ngei kan tum a ni.
BAND LINEUP:
  1. TV. C. LALMUANKIMA - VOCALS
  2. TV. LALRINTLUANGA. - GUITAR
  3. TV. LALRINZUALA. - GUITAR
  4. TV. LALMUANPUIA HNAMTE. - BASS
  5. TV. LALNUNPUIA. - DRUMS

Tin, Rorel inkhawm atan hian, Kan Branch rawngbawlna pawimawh tak mai,sound system hire a ni dawn a ni. Kan Branch aiawha palai turin Tv. Lalfakawma, Br. Secretary a kal dawn a ni.

3. Central KTP Khawmpuiin a lo rel tawh angin, Gen. Conference neih loh kumin Presbytery huapin thalai intawhkhawmna neih tur tih chu, Aizawl West Presbytery Thalai Meet chu (Dt 20-22 March.2009) kan kohhran in kan dawng dawn a ni.

He khawmpui ah hian Pastor bial 6 (paruk) kan tel don a,inbuatsaihna pawh chak tak in kalpui mek a ni a, Sub committee kan neihsa bakah, Traffic i/c leh Praise group, Musician te inruat a ni bawk.Praise group & Musician te hi Ni 22 (Pathianni) chhun Fakna inkhawm kaihruai tur an ni a,Hla pawh uluk takin an zir mek ani.

Rawngbawlna leh Hmalakna hrang hrang kan neih turte, a bikin chanvo neiturte in tawngtaipui thin ang u.