BIBLE CONCORDANCE


Ni 24.4.2009 (Zirtawp ni) zan Dar 7 khan Pro Pastor R.Lalrinliana Lehkhabu Ziak Bible Concordance tih chu Rev C.Chawngliana Dawrpui vengthar Bialtu chuan Dawrpui Vengthar kohhran Centenary hall ah a tlangzarh.

P/P R.Lalrinliana hi Kum 1999-2003 ah ATC atangin B.Th a zir zova,Kum 2004-2006 ah BD,ATC ah vek zo leh in,Synod khawmpuiin Dawrpui vengthar bialah Pro pastor ah awm turin a nemnghet ta a ni.Rin-a hian BIBLE HRIATZAUNA PUITU tih leh TIRHKOH PAULA Missionary Theologian(A chanchin leh a zirtirnate) tih a lo buatsaih tawh bawk a ni.June 12th 2008 khan Rebecca Lalrimawii(Nuteii)d/o Rev Dr. H.Vanlalauva nen inneiin tunah hian Dawrpui vengthar ah an cheng mek a ni.


BRANCH NEWS APRIL 5

Dawrpui vengthar ktp ten hmalakna leh hmalakna tur thar kan chhawpchhuak leh ta e


Upa KhawpuiaMemorial Running Trophy Group Zaipawl intihsiakna June 28,2009- ah khian neih tum a ni a,Intihsiakna Hla tur hi Kristian Hlabu No.42-na 'Rin vangin Chhandam kan ni' Hla hman tur a ni a,Hemi bakah hian Group tin ten keimahni hla duh pakhat theuh sak tel tur a ni bawk.

Branch Bible exam,April 27 Thawhtan zan khian neih tum a ni a,Thupuan Bu Exam tur a ni.

KTP ten kan tangkaipui tur Laptop, Acer Aspire 4730Z, Ram 2Gb,Hardisk 250. Kan lei thar bawk e.



LALPAIN A DUH A NI

(Matthaia 21;1-3)
PC.Vanlalnghaki.

“Tin, tupawhin in hnenah engpawh an sawi chuan, “Lalpain a duh a ni,” in ti ang a, tin, ani chuan a rawn tîr nghal mai ang.” Mat.21:3
Kan Lal Isua khawvela a awmlai khan vawi khat chiah ropui taka chawimawi a ni a. Chutia chawimawia a awm Tum chuan, mi sabengtung a hawh nghe nghe a nih kha.

A hawh turin a zirtirte a kaltir a, an duhna lama kal tir mai ni lovin, an hmazawn khuaah a ni a tirh ni. A hawh man lam sawi a ni lo va, tupawhin ngaihdan an lo sawi chuan ‘Lalpain a duh a ni’ tih kha a tirh dan a ni.


Tun hunah hian kan ram ringtu nun belhchian dawl lo lutuk leh ringtu inti leh ring lotute hriat hran har ta lutukah hian leh, ram rorelna leh a huho mai ni lo, kan khawsakna theuhvah hian he kan mimal nun kut leh ke, kete hi kan Lal Isua’n Lal a nihna tarlan nan leh a ropui puanchhuah nan a chuanna atan min duh a ni. Kan ngaihdan leh duh dan rawlh lovin, kan sual chung chung pawha kan Lal Isua’n a chuanna taksa ni turin min la duh hi lawm nachang hriain, a lam hawi ila, vawiin hian kan thinlung leh nun luahtu thil tha lo min thlung bettu zawng zawngte phal takin, Thlarau Thianghlim i phelhtir ang u.
Tin, a phelhsak tawhte pawh hian mi nun saltangte kan phelhsak dawn chuan kan hmazawn theuh kan hriat chian a tul a, mi hamzawn lam sawisak lovin lainatna leh duhsakna tak tak nen thil dang sawi lovin ‘Lalpain a duh a ni’ tiin thlarau saltang leh zu leh ruihhlo phuar beh tlatte thlarau lainat tak chungin kan lal Isua min tirhnaah hian kan hmazawn theuhvah thawkin inpe thar leh theuh ang u.